மது குடிக்காமல் இருக்க முடியாதவர்கள் பீஹாரை விட்டு செல்லலாம்: நிதீஷ்

பாட்னா:
பீஹாரில் மது குடிக்காமல் இருக்க முடியாதவர்கள்
மாநிலத்தை விட்டு வெளியே செல்லலாம் என அம்மாநில
முதல்வர் நிதிஷ் குமார் கூறியுள்ளார்.

பீஹாரில் முழு அளவில் மதுவிலக்கு அமல்படுத்தப்பட்டுள்ளது
தொடர்பாக நடந்த நிகழ்ச்சி ஒன்றில் பேசிய நிதிஷ் குமார்,
மதுவிலக்கு சட்டம் அமல்படுத்தப்பட்ட பின்னர்,
பல தரப்பிலிருந்து எனக்கு நெருக்கடி வந்தது.

ஆனால், அதற்கு நான் எதையும் ஏற்கவில்லை. மதுவிலக்கு
கோரிக்கையுடன் யார் வந்தாலும் அதனை ஏற்க மாட்டேன்.
அவர்கள் ஏமாற்றத்துடன் தான் திரும்பி செல்ல வேண்டும்.

பீஹாரில் வசிக்கும் யாராவது, மதுகுடிக்காமல் இருக்க
முடியவில்லை என்றால், அவர்கள் மாநிலத்தை விட்டு செல்லலாம்.
மதுவிலக்கு மாநிலத்தில் பல சமூக புரட்சிகளுக்கு வித்திட்டுள்ளது.
இதனால், இந்த திட்டத்தை வாபஸ் பெற முடியாது.

மதுவை யாராவது கடத்துகிறார்களா என்பதை போலீசார்
தீவிரமாக கண்காணிக்க வேண்டும்.

மத்திய அரசு அறிவித்த ரூபாய் நோட்டு வாபஸ் திட்டத்தை நான்
வரவேற்கிறேன். இந்தியா முழுவதும் உள்ள கறுப்பு பணத்தை
மத்திய அரசு ஒழிக்க வேண்டும். அடுத்ததாக, பினாமி சொத்துக்களை
ஒழிக்க மத்திய அரசு நடவடிக்கை எடுக்க வேண்டும் என்றார்.
-
----------------------------------------
தினமலர்