கியூபா முன்னாள் அதிபர் ஃபிடல் காஸ்ட்ரோ மறைவு

நவம்பர் 26
-

---
கியூபாவின் புரட்சியாளரும், அந்நாட்டின் முன்னாள் அதிபருமான ஃபிடல் காஸ்ட்ரோ சனிக்கிழமை காலமானார். அவருக்கு வயது 90.

கடந்த பல மாதங்களாக உடல்நலக் குறைவால் பாதிக்கப்பட்டிருந்த அவர் மறைந்த தகவலை, கியூபாவின் அரசு தொலைக்காட்சி வெளியிட்டது.

கியூபா நேரப்படி 22.29 மணிக்கு ஃபிடல் காஸ்ட்ரோ உயிர் பிரிந்ததாக, அந்நாட்டின் அதிபர் ரவுல் காஸ்ட்ரோ தொலைக்காட்சியில் தோன்றி தகவல் வெளியிட்டார்.

கியூபாவில் புரட்சியை வழிநடத்திய ஃபிடல் காஸ்ட்ரோ, 1959 முதல் 1976 வரை அந்நாட்டின் பிரதமராகவும், 1976 முதல் 2008 வரை அதிபராகவும் இருந்தவர். 49 ஆண்டுகள் கியூபாவை ஆட்சி செய்தவர், 2008-ல் பதவியிலிருந்து விலகினார். நீண்ட காலம் ஒரு நாட்டின் தலைமைப் பொறுப்பில் இருந்த தலைவர் என்ற பெருமைகுரியவர் ஃபிடல் காஸ்ட்ரோ.
-
தி இந்து