சென்னையில் மேலும் ஒரு பயங்கரவாதி சிக்கினான்

சென்னை:
மதுரையில் 3 அல்குவைதா பயங்கரவாதிகள் இன்று
கைதான நிலையில் சென்னை திருவான்மியூரில்
மேலும் ஒரு பயங்கரவாதி கைது செய்யப்பட்டுள்ளதாக
தகவல்கள் வெளியாகி உள்ளன.

3 பயங்கரவாதிகள் கைது

மதுரையில் அல்குவைதா ஆதரவு அமைப்பினர் இருப்பதாக
என்.ஐ.ஏ., எனப்படும் தேசிய புலனாய்வு அமைப்பினருக்கு
ரகசிய தகவல் கிடைத்தது. இதன் அடிப்படையில், மதுரையில்
பதுங்கி இருந்த முகம்மது கரீம், அப்பாஸ் அலி,
அசீப் சுல்தான் முகம்மது ஆகிய 3 பேரை என்.ஐ.ஏ., அதிகாரிகள்
கைது செய்தனர்.

பிரதமரை கொல்ல திட்டம்

இந்த பயங்கரவாத அமைப்பினர் பிரதமர் மோடி உட்பட
22 தலைவர்களை கொலை செய்ய திட்டமிட்டுள்ளனர். இவர்களுக்கு
6 வெளிநாட்டு துாதரகங்களுக்கு மிரட்டல் விடுத்தது, சில குண்டு
வெடிப்பு சம்பங்களில் தொடர்பு இருப்பதாக கூறப்படுகிறது.

மேலும் ஒரு பயங்கரவாதி கைது

அவர்களிடம் நடத்திய விசாரணையில், அவர்கள் கொடுத்த தகவலின்
பேரில், சென்னை திருவான்மியூரில் அல்குவைதா அமைப்புடன்
தொடர்புடைய தாவூத் சுலைமான் கைது செய்யப்பட்டதாக தகவல்கள்
வெளியாகி உள்ளன.

சென்னையில் உள்ள தனியார் ஐ.டி., நிறுவனம் ஒன்றில் பணி புரிந்து
வந்ததும் கைதான நான்கு பேரும் சித்துார், நெல்லுார், கொல்லம்,
மலப்புரம், மைசூர் உள்ளிட்ட இடங்களில் தாக்குதல் நடத்த சதி திட்டம்
தீட்டியதும் விசாரணையில் தெரியவந்துள்ளது.
-
----------------------------------------
தினமலர்