வங்கிகளில் ரூ.8.11 லட்சம் கோடி டிபாசிட்

சென்னை:
நாடு முழுவதும் நவ.,10 ம் தேதி முதல் நேற்று வரை
ரூ.8.11 லட்சம் கோடி பணம் டிபாசிட் செய்யப்பட்டுள்ளதாக
ரிசர்வ் வங்கி அறிவித்துள்ளது.

கறுப்பு பணம் மற்றும் கள்ள நோட்டை ஒழிப்பதற்காக
நவ.,8 ம் தேதி இரவு பிரதமர் மோடி பழைய 500, 1000 ரூபாய்
நோட்டுகள் செல்லாது என அறிவித்தார்.

பழைய நோட்டுகளை டிச.,30 ம் தேதிக்குள் வங்கி மற்றும்
அஞ்சலகங்களில் கொடுத்து மாற்றி கொள்ள வேண்டும் என
அறிவிக்கப்பட்டது. இதையடுத்து, வங்கி கணக்கு
வைத்துள்ளோர் தங்களது கணக்கில் பழைய ரூபாய்
நோட்டுகளை டிபாசிட் செய்து வருகின்றனர்.

வங்கி கணக்கு இல்லாதோர் அரசு வழங்கி உள்ள அடையாள
அட்டையை காண்பித்த பழைய நோட்டுகளை கொடுத்து
புது நோட்டுகளை மாற்றினர்.

இதுகுறித்து, ரிசர்வ் வங்கி வெளியிட்டுள்ள தகவல்:

நவ.,10 ம் தேதி முதல் நேற்று (நவ.,27) வரை ரூ.8.11 லட்சம் கோடி
பணம் டிபாசிட் செய்துள்ளனர், ரூ.2.16 லட்சம் கோடி பணம்
வங்கி கணக்கில் இருந்து எடுத்துள்ளனர்.

ரூ.33,948 கோடி மதிப்பில் பழைய ரூபாய் நோட்டுகள் கொடுத்து
புதிய நோட்டுளை மாற்றம் செய்துள்ளனர்.
-
----------------------------------
தினமலர்