மாவோயிஸ்ட்களின் ரூ.55 கோடி முடக்கம்

ராஞ்சி:
ஜார்க்கண்ட் மாநிலத்தில் மாவோயிஸ்ட் அமைப்பினரின்
40 வங்கிக்கணக்குகள் முடக்கப்பட்டுள்ளது.
இதில் சுமார் ரூ.55 கோடி பணம் வைக்கப்பட்டிருந்தது.

40 வங்கிக்கணக்கில், 15 வங்கிக்கணக்குகள் மாவோயிஸ்ட்
அமைப்பினரின் முக்கிய தலைவர்களின் வங்கிக்கணக்குகள்
என தெரியவந்துள்ளது. மாவோயிஸ்ட்கள் எவ்வாறு இந்த
வங்கிக்கணக்குகளை துவங்கி, பணம் போட்டு எடுத்து
வருகின்றனர் என்பது குறித்து விசாரணை நடத்தப்பட்டு
வருகிறது.

ராஞ்சி, ஜாம்ஷெட்பூர், சாய்பாசா மாவட்டங்களில்,
மாவோயிஸ்ட்களின் வங்கிக்கணக்குகள் முடக்கப்பட்டுள்ளன.
மாவோயிஸ்ட்கள், தங்களது குடும்ப உறுப்பினர்கள் மூலமாகவும்,
உறவினர்கள் மூலமாகவும் வங்கிக்கணக்குகள் மூலம் பணப்
பரிமாற்றம் செய்து வந்தனர்.

வங்கிக்கணக்கு முடக்கப்பட்ட மாவோயிஸ்ட்களின் மனைவிகள்
ஜில்லா பரிஷத் அமைப்புகளில் உறுப்பினர்களாக உள்ளதால்,
அவர்களின் வங்கிக்கணக்குகளும் கண்காணிக்கப்பட்டு வருவதாக
அதிகாரிகள் தெரிவித்தனர்.
-
---------------------------------
தினமலர்