கேரள சர்ச்சுகளிலும் வருது ஆடை கட்டுப்பாடு

திருவனந்தபுரம்:
பொதுவாகவே கேரள கோவில்களில் பக்தர்களுக்கு
கட்டுப்பாடு அதிகம். மேல்சட்டை அணிந்தும், கைலி
கட்டியும் கோவிலுக்குள் செல்ல பல காலமாகவே
அனுமதி மறுக்கப்பட்டு வந்த நிலையில், சமீபத்தில்
பெண்களின் ஆடை முறையிலும் கட்டுப்பாடு கொண்டு
வரப்பட்டுள்ளது.

இந்த வகையில், சுடிதார் அணிந்து கொண்டு கோவிலுக்குள்
பெண்கள் வரக்கூடாது என சில கோவில் நிர்வாகங்கள்
அறிவித்துள்ளன.

இந்த விஷயம் இப்படி இருக்கையில், கேரள சர்ச்சுகளிலும்
ஆடை பிரச்னை தலை தூக்கி உள்ளது. கிறிஸ்துவ மணமகள்,
திருமணத்தன்று மேலைநாட்டு கலாசாரத்தின்படி, வெள்ளை
கவுன்களை அணிவது வழக்கம். அதிகமான கிறிஸ்துவர்களை
கொண்ட கேரளாவில் பல ஆண்டுகளாக இந்த முறை தான்
கடைப்பிடிக்கப்பட்டு வந்தது.

இந்திய பாரம்பரியம்:

இந்நிலையில், கேரளாவில் உள்ள பல பாரம்பரிய சர்ச்சுகளில்,
மணமகள் வெள்ளை கவுன் அணிந்து வர தடைவிதிக்கப்பட்டுள்ளது.
இதற்கு மாற்றாக, மணமகள் இந்திய பாரம்பரியப்படி சேலை
அணிந்து தான் வர வேண்டும் என்று கூறப்பட்டுள்ளது.

இது குறித்து மிகவும் பிரசித்தி பெற்ற, பழமையான பருமலா சர்ச்சின்
பங்குத்தந்தை குரியகோஸ் கூறுகையில், ‛மணமகள் கவுன் அணிந்து
வருவதை நாங்கள் விரும்பவில்லை. சேலை அணிந்து வரவே கூறி
உள்ளோம். இந்த தடை இங்கு பல மாதங்களாக அமலில் உள்ளது,'
என்றார்.
-
-------------------------------------
தினமலர்