இன்ஜினியரிடம் ரூ.50 கோடி சொத்து கண்டுபிடிப்பு

by rammalar Mon Dec 26, 2016 7:06 am

[img]

இன்ஜினியரிடம் ரூ.50 கோடி சொத்து கண்டுபிடிப்பு Hvypow

[/img]
-
விசாகப்பட்டினம்:
ஆந்திராவில் அரசு இன்ஜினியர் வீட்டில் ரூ.50 கோடிக்கும்
அதிகமாக சொத்து சேர்த்தது கண்டுபிடிக்கப்பட்டது.

ஆந்திராவின் சாலை மற்றும் கட்டட துறையின் துணை
பொறியாளராக இருப்பவர் சுபாஷ் சந்திரா பாட்ரோ, 55.
இவரது கட்டுப்பாட்டில் விஜயநகரம், ஸ்ரீகாகுளம் மற்றும்
விசாகப்பட்டினம் மாவட்டங்கள் உள்ளன.

இவரது வீட்டில் ஆந்திரா மாநில ஊழல் தடுப்பு பிரிவு அதிகாரிகள்
நேற்று அதிரடி சோதனை நடத்தினர். இந்த சோதனையில் அரசு
மதிப்பில் ரூ.4 கோடி சொத்து ஆவணங்கள் கண்டுபிடிக்கப்பட்டுள்ளன.
ஆனால், இவற்றின் சந்தை மதிப்பு ரூ.50 கோடி ஆகும்.

இதனையடுத்து ஸ்ரீகாகுளம், விஜயநகரம் மற்றும் விசாகப்பட்டினத்தில்,
சுபாஷ் சந்திராவின் வீடுகள் மற்றும் உறவினர்களின் வீடுகளில்
சோதனை நடந்து வருகிறது ஐ தராபாத் நகரிலும் சோதனை நடந்து
வருகிறது.

இந்த சோதனையில், 15 வீடுகள், 2 பிளாட்கள், ஒரு வணிக வளாகம்,
608 கிராம் தங்கம், 850கிராம் வெள்ளி, வங்கியில் டிபாசிட் செய்யப்பட்ட
ரூ.29 லட்சம் , ரூ. 10 லட்சம் பிக்சட் டிபாசிட், ரூ.19 லட்சம் சிட் பண்டில்
முதலீடு செய்ததற்கான ஆவணம், ரூ. 6 லட்சம் மதிப்புள்ள
எல ஐ சி பத்திரம் ஆகியவை கண்டுபிடிக்கப்பட்டன.

அவரது வங்கி லாக்கர்கள் இன்னும் சோதனை செய்யப்படவில்லை.
தொடர்ந்து விசாரணை நடந்து வருகிறது.
–
————————————-
தினமலர்