தேசியச் சின்னத்தை வடிவமைத்த ஓவியர் காலமானார்

போபால்

அசோகத் தூணில் உள்ள நான்முக சிங்கங்களை,
இந்திய அரசின் தேசியச் சின்னமாக வடிவமைத்த ஓவியர்களில்
ஒருவரான, தீனநாத் பார்கவா (89), மத்தியப் பிரதேச மாநிலம்,
இந்தூரில் ஞாயிற்றுக்கிழமை காலமானார்.

அவர், கடந்த 10 ஆண்டுகளாக இதயநோயால் அவதிப்பட்டு வந்ததாக,
அவரது குடும்ப வட்டாரங்கள் தெரிவிக்கின்றன. அவருக்கு 2 மகன்கள்
உள்பட 4 பிள்ளைகள் உள்ளனர்.

மத்தியப் பிரதேச மாநிலம், பெதுல் மாவட்டத்தில் உள்ள முல்தாய்
கிராமத்தில் 1927-ஆம் ஆண்டு நவம்பர் 1-ஆம் தேதி பிறந்த பார்கவா,
தனது 20-ஆவது வயதில், கலா பவன் சாந்தி நிகேதனில் நுண்கலையில்
டிப்ளமோ பயின்றார்.

பின்னர், இந்திய அரசமைப்புச் சட்டத்தின் கையெழுத்துப் பிரதியை
வடிவமைப்பதற்காக, பிரபல ஓவியரும், சாந்தி நிகேதனின்
அப்போதைய முதல்வருமான நந்தலால் போஸ், தீனநாத் பார்கவாவைத்
தேர்வு செய்ததாக அவரது உறவினர்கள் தெரிவித்தனர்.
-
-----------------------------------
தினமணி