பிறந்தது 2017 புத்தாண்டு:நாடு முழுவதும் உற்சாக கொண்டாட்டம்

[img][/img]
-

-
புதுடில்லி:
நாடு முழுவதும் உற்சாகமாக 2017 ஆம் ஆண்டை வரவேற்கும்
விதமாக மக்கள் உற்சாகமாக கொண்டாடி வருகின்றனர்.

தலைநகர் டில்லியில் கடும்குளிரையும் பொருட்படுத்தாமல்
நள்ளிரவில் ஏராளமானோர் புத்தாண்டை கொண்டாடி மகிழ்ந்தனர்.
உலகம் முழுவதும் முக்கிய நகரங்களில் பட்டாசு வெடித்தும்
புத்தாடை உடுத்தியும் புத்தாண்டை உற்சாகமாக வரவேற்றனர்.
-
நாடு முழுவதும் களை கட்டிய புத்தாண்டு
-
புத்தாண்டு பிறந்ததையொட்டி நாடு முழுவதும் பல்வேறு
நகரங்களில் ஆடல், பாடல் கொண்டாட்டம் களைகட்டியது.
வட மாநிலங்களில் தற்போது கடுமையாக குளிர் நிலவி வருகிறது.
தலைநகர் டில்லியில் கடும்குளிரையும் பொருட்படுத்தாமல்
நள்ளிரவில் திரண்ட மக்கள் புத்தாண்டை உற்சாகத்துடன்
கொண்டாடினர்.

புதுச்சேரி கடற்கரையில் சுற்றுலா பயணிகள் மற்றும் பொதுமக்கள்
குதுாகலத்துடன் புத்தாண்டை கொண்டாடி மகிழ்ந்தனர். சென்னையில்
வானவேடிக்கையுடன் பொதுமக்கள் புத்தாண்டை வரவேற்றனர்.

பெசன்ட்நகர் கடற்கரையில் திரண்ட ஆயிரக்கணக்காணோர் ஒருவரை
ஒருவர் கட்டித் தழுவி புத்தாண்டு வாழ்த்துக்களை பகிர்ந்து கொண்டனர்.
சென்னை, மதுரை, திருச்சி, கோவை, நெல்லை உள்ளிட்ட இடங்களில்
தேவாலயங்கள், கோயில்களில் பொதுமக்கள் சிறப்பு வழிபாடு நடத்தினர்.
-
--------------------------------------
தினமலர்