151-வது படத்தில் சிரஞ்சீவிக்கு ஜோடியாகிறார் அனுஷ்கா

by rammalar Sat Feb 04, 2017 4:15 pm

[img]

151-வது படத்தில் சிரஞ்சீவிக்கு ஜோடியாகிறார் அனுஷ்கா I6inut

[/img]
-

நடிகர் சிரஞ்சீவியின் 151-வது திரைப்படத்தில் அவருக்கு ஜோடியாக அனுஷ்கா நடிக்க வுள்ளதாக தெலுங்கு திரையுலக வட்டாரங்கள் தெரிவிக்கின்றன.

தெலுங்கு திரைப்பட உலகின் மெகா ஸ்டாரான சிரஞ்சீவி, 9 ஆண்டு இடைவெளிக்கு பின்னர் சமீபத்தில் ‘கைதி நம்பர் 150’ என்ற படத்தில் நடித்தார். சிரஞ்சீவியின் மகனான ராம்சரண் தேஜ் தயாரித்த இப்படத்தில் சிரஞ்சீவிக்கு ஜோடியாக காஜல் அகர்வால் நடித்தார்.

தமிழில் விஜய் நடித்த ‘கத்தி’ படத்தின் தெலுங்கு ரீமேக்கான இத்திரைப்படம் 10 நாட்களில் ரூ.107 கோடி வசூலித்து சாதனை புரிந்துள்ளது. இந்த வெற்றியைத் தொடர்ந்து சிரஞ்சீவி தொடர்ந்து படங்களில் நடிக்க திட்டமிட்டுள்ளார்.

இதைத்தொடர்ந்து சிரஞ்சீவியின் 151-வது படத்துக்கான கதைக்களம் தயாராகி வருகிறது. இத்திரைப்படத்தை இயக்குநர் சூரி இயக்கவுள்ளதாக கூறப்படுகிறது.

இதில் சிரஞ்சீவிக்கு ஜோடியாக அனுஷ்கா நடிப்பார் என தெலுங்கு திரைப்பட வட்டாரங்கள் தெரிவிக்கின்றன. ‘கைதி நம்பர் 150’ படத்திலேயே அனுஷ்கா நடிப்பதாக இருந்தது.

ஆனால் அவர் அப்போது ‘சிங்கம் 3’, ‘பாகுபலி-2’, ‘ஓம் நமோ வெங்கடேசாய’ ஆகிய படங்களின் படப்பிடிப்பில் கலந்துகொள்ளவேண்டி இருந்த தால் அதில் நடிக்கவில்லை.
-
தி இந்து