ஜெயலலிதா நினைவிடத்தில் ஓ.பி.எஸ். - ஜெ.தீபா : இன்று முதல் அரசியல் பயணம் தொடங்குகிறது : தீபா

சென்னை:

அதிமுகவின் இரு கரங்களாக நானும், முதலமைச்சர்
ஓ.பன்னீர்செல்வமும் இணைந்து செயல்படுவோம் என்று
ஜெயலலிதாவின் அண்ணன் மகள் தீபா தெரிவித்துள்ளார்.

மேலும் எனது அரசியல் பிரவேசம் இன்று தொடங்குவதாக
ஜெ.தீபா அறிவித்துள்ளார். சசிகலா செல்ல வேண்டிய
இடத்திற்கு செல்வார் என்று நான் ஏற்கனவே
தெரிவித்திருந்ததாக ஜெ.தீபா தெரிவித்தார்.

பரபரப்பான அரசியல் சூழ்நிலையில் முதலமைச்சர்
ஓ.பன்னீர்செல்வம் மெரினாவில் உள்ள ஜெயலலிதா
நினைவிடத்திற்கு சென்றார்.

இந்த நிலையில் ஜெ.தீபாவும் ஜெயலலிதா நினைவிடத்தில்
சந்தித்து பேசினர். மேலும் ஓ.பன்னீர்செல்வத்திற்கு ஜெ.தீபா
தனது ஆதரவை தெரவித்தார். ஜெயலலிதா நினைவிடத்தில்
பன்னீர்செல்வம் மற்றும் ஜெ.தீபா மலர்தூவி அஞ்சலி செலுத்தினர்.

முதல்வர் பன்னீர்செல்வத்துக்கு ஆதரவு அளித்த எம்.எல்.ஏ.க்கள்,
எம்.பி.க்கள், மற்றும் ஆதரவாளர்களும் ஜெயலலிதா நினைவிடம்
சென்றுள்ளனர். கடந்த செவ்வாய் கிழமையன்று முதலமைச்சர்
ஓ.பன்னீர்செல்வம் ஜெயலலிதா நினைவிடத்துக்கு சென்றிருந்தார்.

ஒரு வார இடைவெளியில் மீண்டும் பன்னீர்செல்வம் சென்றுள்ளதால்
அரசியல் வட்டாரத்தில் மீண்டும் பரபரப்பு ஏற்பட்டுள்ளது.
-
--------------------------------------
தினகரன்