தமிழகத்தில் குளிர் குறைய தொடங்கும்

சென்னை வானிலை ஆய்வு மையம் வெளியிட்ட அறிக்கையில் கூறியுள்ளதாவது:

குமரி அருகே காற்றழுத்த தாழ்வு நிலை உருவாகியுள்ள நிலையில், அது தமிழகம் நோக்கி வராததால், தமிழகம் மற்றும் புதுச்சேரியில் வறண்ட வானிலையே நிலவும். கடந்த ஒரு வாரமாக தமிழகத்தில் நிலப் பகுதியில் குளிர் சற்று அதிகமாக இருந்து வருகிறது.

திங்கள்கிழமை காலை 8.30 மணிக்கு எடுக்கப்பட்ட அளவின் படி, அதற்கு முந்தைய 24 மணி நேரத்தில் குறைந்தபட்ச வெப்ப நிலையாக தருமபுரியில் 17 டிகிரி செல்சியஸ் பதிவாகியுள்ளது. அடுத்து வரும் நாட்களில் குறைந்த பட்ச வெப்பநிலை அதிகரித்து, படிப்படியாக குளிர் குறையத் தொடங்கும்.

சென்னையை பொறுத்தவரை வானம் ஓரளவு மேகமூட்டத்துடன் காணப்படும். அதிகபட்ச வெப்ப நிலையாக 33 டிகிரி செல்சியஸ், குறைந்தபட்சமாக 23 டிகிரி செல்சியஸ் இருக்கும்.
-
தி இந்து