கோவை அருகே ஆதியோகி சிவன் சிலையை திறந்து வைத்தார் பிரதமர் மோடி

கோவை அருகே வெள்ளிங்கிரி மலை அடிவாரத்தில் உள்ள
ஈஷா யோகா மையத்தில், 112 அடி உயர ஆதியோகி சிவனின்
மார்பளவு சிலை பிரதமர் மோடி திறந்து வைத்தார்.
-
மகா சிவராத்திரி விழாவை முன்னிட்டு இன்று (வெள்ளிக்கிழமை)
பிரமாண்டமான இந்த சிலை பிரதிஷ்டை செய்யப்படுகிறது.
இதில் பிரதமர் நரேந்திரமோடி கலந்துகொண்டு சிலையை திறந்து
வைத்தார்.
-
இதற்காக பிரதமர் மோடி, லக்னோவிலிருந்து தனி விமானம் மூலம்
கோவை வந்தார் அவரை கவர்னரும் முதல்-அமைச்சர் எடப்பாடி
பழனிசாமி வரவேற்றனர். கோவை ஈஷா மையம் வந்த பிரதமர்
மோடி தியான லிங்கத்திற்கு சிறப்பு பூஜைகளை செய்தார்.
ஈஷா யோகா மையத்தில் பிரதமர் மோடி பிராத்தனை செய்தார்.
-
அதனை தொடர்ந்து ஆதியோகி சிவன் சிலையை பிரதமர் மோடி
திறந்து வைத்தார். இந்த விழாவில் தமிழக கவர்னர் (பொறுப்பு)
வித்யாசாகர் ராவ், புதுச்சேரி கவர்னர் கிரண்பெடி, தமிழக முதல்-
அமைச்சர் எடப்பாடி பழனிசாமி, மத்திய பிரதேச முதல்-மந்திரி
சிவராஜ்சிங் சவுகான், ராஜஸ்தான் முதல்-மந்திரி
வசுந்தராராஜே சிந்தியா, மராட்டிய முதல்-மந்திரி
தேவேந்திர பட்னாவிஸ், ஆந்திர முதல்- மந்திரி சந்திரபாபு நாயுடு
மற்றும் மத்திய மந்திரிகள், முக்கிய பிரமுகர்கள் பலர் கலந்து
கொண்டனர்.

ஆயிரத்திற்கும் மேற்பட்டோர் இந்த விழாவில் கலந்து கொண்டனர்.
-
---------------------------------
தினத்தந்தி