பிரதமர் மோடி 29 ஆம் தேதி சென்னை வருகை

-

-
ஆந்திரம் மாநிலம் ஸ்ரீஹரிகோட்டாவில் இருந்து பி.எஸ்.எல்.வி. சி-23 ராக்கெட் ஜூன் 30 ஆம் தேதி ஏவப்படுகிறது. இதில் பிரதமர் மோடி பங்கேற்க இருப்பதாக தில்லி வட்டாரங்கள் தெரிவித்தன. இதையொட்டி வரும் 29 ஆம் தேதி அவர் சென்னை வருகிறார்.
-
பிரதமராக பதவியேற்ற பிறகு முதல் முறையாக நரேந்திர மோடி 29 ஆம் தேதி சென்னை வருகிறார். இதற்காக விமான நிலையத்தில் 5 அடுக்கு பாதுகாப்பு போடப்பட்டு உள்ளது.
-
29 ஆம் தேதி பகல் 1 மணிக்கு தில்லியில் இருந்து தனி விமானத்தில் மோடி சென்னை புறப்படுகிறார். மாலை 3.30 மணிக்கு மீனம்பாக்கம் விமான நிலையம் வரும் அவர் அங்கிருந்து தனி ஹெலிகாப்டரில் ஸ்ரீஹரிகோட்டாவுக்கு புறப்பட்டு செல்கிறார். இரவு ஸ்ரீஹரிகோட்டாவில் தங்குகிறார்.
-
மறுநாள் 30 ஆம் தேதி (திங்கள்கிழமை) ஸ்ரீஹரிகோட்டாவில் பி.எஸ்.எல்.வி. சி-23 ராக்கெட் காலை 9.43 மணிக்கு விண்ணில் ஏவப்படுகிறது. இந்த நிகழ்ச்சியில் மோடி பங்கேற்கிறார்.
-
பின்னர் காலை 11 மணிக்கு ஹெலிகாப்டரில் சென்னை விமான நிலையத்துக்கு வந்து அங்கிருந்து தில்லி புறப்பட்டு செல்கிறார்.
-
--தினமணி

_________________