மதுக்கடை மூடலுக்கு காரணமானவர்; வீல் சேரில் இருந்தபடி சாதித்து காட்டினார்

by rammalar Tue Apr 04, 2017 6:12 am

-

-
அமிர்தசரஸ்:
நாடு முழுவதும் தேசிய நெடுஞ்சாலைகளில் உள்ள
மதுக்கடைகளை மூட காரணமாக இருந்தவர் ஒரு
உடல் ஊனமுற்ற சண்டிகாரை சேர்ந்தவர் ஆவார்.

சண்டிகர் பகுதியில் உள்ள ஹர்பன் சித்து ( வயது 47).
இவர் கடந்த 1996 அக்., 24 ல் தனது நண்பர்களுடன்
காரில் இமாச்சல பிரதேசம் சென்று விட்டு சண்டிகருக்கு
திரும்புகையில்; கார் பள்ளத்தில் விழுந்தது.

இதில் சித்துவின் முதுகு தண்டுவடம் முழு அளவில்
சேதமடைந்தது. இருப்பினும் விடாத மருத்துவ சி
கிச்சையால் வீல் சேரில் அமர்ந்து வாழ்க்கையை கழித்து
வந்தார்.

ஆக்கப்பூர்வ சிந்தனை பிறந்தது:

அவரிடம் பேசுகையில்: நான் இளம் வயதில் கார்,
பைக்கில் செல்லும் போது மிக வேகமாக செல்வதே எனது
வழக்கம். இந்த ரோட்டில் நான்தான் ராஜா என்று நினைப்பேன்.
ஆனால் விபத்திற்கு பின் நான் அப்படியே மாறினேன்.
பல சிந்தனைகள் வந்தன. இதுவே என்னை மனிதனாக்கியது.
ஆக்கப்பூர்வமாக ஏதேனும் செய்ய வேண்டும் என நினைத்தேன்.
சாலை பாதுகாப்பு தொடர்பாக ஒரு அமைப்பை தொடர்ந்தேன்.

2006 ல் முதலில் நெடுஞ்சாலைகளில் மதுக்கடைகள் அகற்றப்பட
வேண்டும். இதற்கென பஞ்சாப் , அரியானா கோர்ட்டில் வழக்கு
தொடர்ந்தேன். இது தொடர்பான பல முக்கிய ஆதாரங்களை
கோர்ட்டுக்கு அளித்தேன். இதனை ஏற்று கொண்ட கோர்ட்
கடைகளை அடைக்க உத்தரவிட்டது.

இந்த உத்தரவு வந்த போது நாள்முழுவதும் எனது மொபைல்
போனுக்கு அழைப்பு வந்து கொண்டே இருந்தது. இதில் பலர்
வாழ்த்து சொன்னாலும், பார் ஓனர்கள் என்னை மிரட்டினர் .
பல கோடி தருவதாக பேரம் பேசினர். ஆனால் எனது
குறிக்கோளில் உறுதியாக இருந்தேன் என்றார்.

தற்போது சுப்ரீம் கோர்ட் இறுதி உத்தரவை பிறப்பித்ததன்
மூலம் நாடு முழுவதும் தேசிய மற்றும் மாநில நெடுஞ்
சாலைகளில் மதுக்கடைகள் மூடப்பட்டுள்ளன. தமிழகத்தில்
மட்டும் நேற்று ஒரே நாளில் 3 ஆயிரத்திற்கும் மேலான
கடைகள் மூடப்பட்டன.

இந்த வழக்கிற்காக சித்து டில்லிக்கு பல முறை சென்றதாகவும்,
நாடு முழுவதும் பல மாநிலங்களுக்கு பயணித்து தகவல்கள்
திரட்டியதாகவும், மொத்தம் 9 லட்சம் வரை செலவானதாகவும்
அவர் குறிப்பிட்டுள்ளார்.

அடுத்தக்குறி:

தொடர்ந்து அவர் அடுத்தக்கட்டமாக பாதுகாப்பு இல்லாத
பாலங்கள் குறித்து கணக்கெடுத்து ஒரு வழக்கு தொடுத்துள்ளார்.
இந்த வழக்கும் வரும் 10 ம் தேதி விசாரணைக்கு வரவுள்ளது.
-
--------------------------------------
தினமலர்