சென்னை ஜெமினி பாலம் அருகே ஏற்பட்ட திடீர் பள்ளத்தில் பேருந்து, கார் சிக்கியது

by rammalar Sun Apr 09, 2017 3:32 pm

-

-

சென்னை அமெரிக்க தூதரகம் அருகே அண்ணா சாலை பகுதியில் திடீர் பள்ளம் ஏற்பட்டு உள்ளது. மெட்ரோ ரெயில் பணி நடந்து வரும் நிலையில் பள்ளம் ஏற்பட்டு உள்ளது. திடீரென ஏற்பட்டு உள்ள பள்ளத்தில் கார் மற்றும் பேருந்து சிக்கி உள்ளது.

கார் மற்றும் பேருந்தை மீட்கும் பணியில் மீட்பு குழுவினர் ஈடுபட்டு உள்ளனர். அண்ணா சதுக்கத்தில் இருந்து வடபழனி நோக்கி சென்ற பஸ் பள்ளத்தில் சிக்கி உள்ளது, பேருந்தில் எத்தனை பேர் பயணம் செய்தார்கள் என்பது தெரியவரவில்லை. 10க்கும் மேற்பட்டோர் விபத்தில் காயம் அடைந்து உள்ளனர் என தெரிவிக்கப்பட்டு உள்ளது.

பேருந்தில் இருந்த 25 பயணிகள் பத்திரமாக மீட்கப்பட்டு உள்ளனர். காயமடைந்தவர்கள் மருத்துவமனையில் அனுமதிக்கப்பட்டு சிகிச்சை பெற்று வருகிறார்கள்.

முதலில் காரையும், பேருந்தையும் பள்ளத்திலிருந்து ராட்ஷச கிரைன் மூலம் எடுக்க திட்டமிடப்பட்டு உள்ளது. அப்பகுதியை அதிகாரிகள் பார்வையிட்டு வருகிறார்கள். சாலையில் பெரும் பள்ளம் ஏற்பட்டு உள்ளதால் அப்பகுதியில் போக்குவரத்து மாற்றப்பட்டு உள்ளது.

மெட்ரோ ரெயில் பணிகள் நடைபெற்று வரும் நிலையில் அவ்வபோது சாலையில் பள்ளம் ஏற்படும் நிலை உள்ளது. இப்போது சாலையில் பஸ் மற்றும் கார் சிக்கி உள்ளது பொதுமக்கள் மத்தியில் பெரும் அதிர்ச்சியை ஏற்படுத்தி உள்ளது.

இப்போது பள்ளம் ஏற்பட்டு உள்ள பகுதிக்கு யாரும் செல்லவேண்டாம் என அறிவுரை வழங்கப்பட்டு உள்ளது.
-
தினத்தந்தி