விரைவாக லோக்பால் தலைவரை நியமனம் செய்யுங்கள்

லோக் பால் குழுவின் தலைவர் மற்றும் உறுப்பினர்களை உடனடியாக நியமிக்க வேண்டும் என்று மத்திய அரசுக்கு உச்சநீதிமன்றம் உத்தரவிட்டுள்ளது. அதற்கு தேவையான சட்ட திருத்தங்களை விரைந்து செயல்படுத்த மத்திய அரசை உச்சநீதிமன்றம் அறிவுறுத்தியுள்ளது

கடந்த 2013ம் ஆண்டு நிறைவேற்றப்பட்டு 2014ம் ஆண்டு அமலுக்கு வந்த லோக்பால் சட்டத்தை நடைமுறைக்கு கொண்டு வந்து அதற்குரிய நிர்வாகிகளை நியமிக்க வேண்டும் என்று உச்சநீதிமன்றத்தில் மூத்த வழக்கறிஞர் பிரஷாந்த் பூஷன் சார்பில் வழக்கு தொடரப்பட்டிருந்தது.

இந்த வழக்கில் இன்று தீர்ப்பு வழங்கிய உச்சநீதிமன்றம் லோக்பால் சடத்தை நடைமுறைக்கு கொண்டு வருவதில் மத்திய அரசு கால தாமதம் செய்வதில் எந்த நியாமும் இல்லை என்று தெரிவித்தது.

மேலும் எதிர்கட்சி தலைவர் என்று யாரும் இல்லை என மத்திய அரசு கூறும் காரணமும் ஏற்புடயைதல்ல (காங்கிரஸ் கட்சிக்கு போதிய உறுப்பினர்கள் இல்லாததால் எதிர்கட்சி தலைவர் பொறுப்பு காலியாக உள்ளது).

தேவையெனில் எந்த கட்சி அதிக உறுப்பினர்களை கொண்டுள்ளதோ அந்த கட்சியின் தலைவரை எதிர்கட்சி தலைவராக்கி லோக்பால் குழு தலைவர் மற்றும் உறுப்பினர்களை நியமிக்க வேண்டும் என்று உச்சநீதிமன்றம் தெரிவித்துள்ளது.

மேலும் உறுப்பினர்கள் நியமனத்தில் உச்சநீதிமன்றத்தின் தலைமை நீதிபதிக்கு அவருக்கான முக்கிய முன்னுரிமை இடம் இருக்க வேண்டும் என்றும் உச்சநீதிமன்ற நீதிபதிகள் ரஞ்சன் கோகாய் மற்றும் நவீன் சின்கா தங்கள் தீர்ப்பில் தெரிவித்துள்ளனர்.

முன்னதாக லோக்பால் சட்டம் கடந்த ஐக்கிய முற்போக்கு கூட்டணி ஆட்சி காலத்தில் நாடாளுமன்றத்தில் நிறைவேற்றப்பட்டு அமலுக்கு கொண்டு வரப்பட்டது. ஆனால் அதற்கு பின் வந்த பாரதிய ஜனதா அரசில் லோக்பால் குழு தலைவரை நியமிக்காமல் இருப்பது குறித்து அரசியல் கட்சிகளும் தன்னார்வ அமைப்புகளும் தங்கள் அதிருப்தியை தெரிவித்துள்ளனர்.
-
தி இந்து