கெஜ்ரிவாலின் ஊழல் மைத்துனர் மர்ம மரணம்

புதுடில்லி:
ஊழலுக்கு எதிராக கட்சி துவக்கிய டில்லி முதல்வர்
அரவிந்த் கெஜ்ரிவால் மீதான ஊழல் புகார்களின் எண்ணிக்கை
அதிகரித்து கொண்டே செல்கிறது. ஊழல் புகாரில் சிக்கிய
அவரது மைத்துனரின் திடீர் மரணமும் சந்தேகத்தை கிளப்பி
உள்ளது.

பொதுப்பணித்துறையில் மோசடி
-
கெஜ்ரிவாலின் மைத்துடனர் சுரேந்தர் பன்சால்.
இவர், ரேணு கன்ஸ்ட்ரக்ஷன் என்ற பெயரில் ஒரு நிறுவனத்தை
நடத்தி வந்தார். இந்த நிறுவனம் சார்பில் டில்லி மாநில
பொதுபணித்துறை சார்பில் பல ஒப்பந்தங்கள் பெறப்பட்டுள்ளன.

கடந்த, 2015 ஏப்ரல் மாதம் இதுபோல், வடமேற்கு டில்லியில்
உள்ள பகோலி என்ற கிராமத்தில் கழிவு நீர் கால்வாய் கட்ட
இந்த நிறுவனத்திற்கு ஒப்பந்தம் அளிக்கப்பட்டது. ஆனால்,
பொருட்கள் ஏதும் வாங்காமல் இப்பணி மேற்கொள்ளப்பட்டுள்ளது

பொதுப்பணித்துறையிடம் இருந்து தகவல் அறியும் சட்டத்தின்
கீழ் பெறப்பட்ட தகவல் மூலம் தெரிய வந்துள்ளது.
இந்த வகையில், 10 கோடி ரூபாய் அளவுக்கு மோசடி
நடந்துள்ளதாகவும் கூறப்படுகிறது.


இந்த பிரச்னை குறித்து ராகுல் சர்மா என்பவர் முயற்சி எடுத்ததன்
பேரில், ஊழல் தடுப்பு பிரிவு விசாரிக்க தொடங்கி உள்ளது.
இந்த சூழ்நிலையில் கெஜ்ரிவால் மைத்துனர் சுரேந்தர் பன்சால்,
கடந்த ஞாயிற்றுக்கிழமை திடீரென மரணமடைந்தார்.

இதை கெஜ்ரிவாலின் மனைவியே டுவிட்டர் மூலம் உறுதிப்படுத்தி
உள்ளார். பன்சால், நீரழிவு நோயால் கடுமையாக பாதிக்கப்பட்டு
மருத்துவமனையில் சிகிச்சை பலன் இன்றி இருந்ததாக கூறப்படுகிறது.

தற்போது டில்லியில் இந்த விவகாரம் தான் பெரிய அளவில் பேசப்பட்டு
வருகிறது.
-
------------------------------
தினமலர்