பிரதமர் பெயரில் போலி விளம்பரம்: மர்ம நபர்கள் மீது சி.பி.ஐ., வழக்கு

புதுடில்லி:
பிரதமர் பெயரை தவறாக பயன்படுத்தி, கடன் திட்டம்
அறிவித்தவர்கள் மீது, சி.பி.ஐ., வழக்கு பதிவு செய்துள்ளது.

தேசிய அளவில் வெளியாகும், முன்னணி நாளிதழ் ஒன்றில்,
2016 ஜூலை, 11ல், ஒரு விளம்பரம் வெளியாகி இருந்தது.
இதில், 'பிரதம மந்திரி ஜன் கல்யாண்' திட்டத்தில், கடனுதவி
வழங்கப்படும்' என,
தெரிவிக்கப்பட்டு இருந்தது. மேலும், 'இதற்கு பரிசீலனை
கட்டணம் கிடையாது;

யாரும் உறுதியளிக்க தேவையில்லை' என, அறிவிக்கப்பட்டு
இருந்தது.

அத்துடன், 'www.satyamgroup.org என்ற இணையதளத்தை
தொடர்பு கொண்டு, தங்கள் பெயரை பதிவு செய்வோருக்கு,
கடன் தொகையில், 60 சதவீத தள்ளுபடி வழங்கப்படும்' என,
தெரிவிக்கப்பட்டு இருந்தது.

இந்த விளம்பரத்தை பார்த்த, பிரதமர் அலுவலகம் அதிர்ச்சி
அடைந்தது.

மோசடி செய்யும் நோக்கில், பிரதமர் பெயரை தவறாக
பயன்படுத்தி, இந்த விளம்பரம் கொடுக்கப்பட்டு உள்ளது
தெரிந்தது. இது பற்றி, சி.பி.ஐ.,யிடம், பிரதமர் அலுவலகம்
சார்பில் புகார் செய்யப்பட்டது.

இந்த விவகாரம் தொடர்பாக, சி.பி.ஐ., வழக்கு பதிவு செய்து,
விசாரணை நடத்துகிறது.
-
--------------------------
தினமலர்