விஜய் பிறந்தநாளில் ரசிகர்களுக்கு காத்திருக்கும் இரட்டை விருந்து

இளைய தளபதி விஜய் பிறந்தநாளான வருகிற
ஜுன் 22-ஆம் தேதி விஜய் 61 படத்தின் பர்ஸ்ட் லுக்
போஸ்டர் வெளியிடப்படுகிறது.

விஜய் தற்போது அட்லி இயக்கும் பெயரிடப்படாத
படத்தில் நடித்து வருகிறார். சென்னை, மதுரையில்
படமாக்கப்பட்ட நிலையில், இந்த படத்தின் முக்கிய
படப்பிடிப்பு தற்போது ஐரோப்பா கண்டத்திலுள்ள
நாடுகளில் நடந்து வருகிறது.
இப்படத்தில் விஜய்க்கு ஜோடியாக சமந்தா,
காஜல் அகர்வால், நித்யா மேனன் ஆகியோர் நடித்து
வருகின்றனர். மேலும், சத்யராஜ், வடிவேலு, சத்யன்
உள்ளிட்டோரும் இப்படத்தில் முக்கிய கதாபாத்திரத்தில்
நடித்து வருகின்றனர்.

இயக்குநரும், நருகருமான எஸ்.ஜே.சூர்யா இப்படத்தில்
வில்லனாக நடிக்கிறார்.

இந்நிலையில் இந்த கூட்டணியில் மற்றொரு வில்லன்
நடிகரும் இணைந்திருக்கிறார். `ஆண்டவன் கட்டளை’
படத்தில் முக்கிய கதாபாத்திரத்தில் நடித்திருந்த
ஹரீஷ் பேரடி விஜயின் 61-வது படத்தில்
இணைந்திருக்கிறார்.

ஸ்ரீ தேனாண்டாள் பிலிம்ஸ் நிறுவனம் தனது 100-வது
படமாக தயாரித்து வரும் இப்படத்திற்கு `இசைப்புயல்’
ஏ.ஆர்.ரகுமான் இசையமைத்து வருகிறார். படத்தின்
பர்ஸ்ட் லுக் போஸ்டர், விஜய் பிறந்தநாளை முன்னிட்டு
வருகிற ஜுன் 22-ஆம் தேதி வெளியிடப்படும் என
அறிவிக்கப்பட்டிருந்தது.

இந்நிலையில், அதேநோளில் விஜய் ரசிகர்களுக்கு
விருந்தளிக்கும் வகையில் மற்றொரு அறிவிப்பும்
வெளியாகும் என்று எதிர்பார்க்கப்படுகிறது. அதாவது,
விஜய்யின் 62-வது படத்தின் புதிய அறிவிப்பு வெளியாகும்
என்று தகவல் வெளியாகி இருக்கிறது.

அந்த படத்தை ஏ.ஆர்.முருகதாஸ் இயக்கலாம் என்று
கூறப்படுகிறது. இதற்கான அறிவிப்பு விஜய் பிறந்தநாளில்
வெளியானால் விஜய் ரசிகர்களுக்கு அது இரட்டை
விருந்தாக அமையும் என்று எதிர்பார்க்கப்படுகிறது.
–
—————————–