பூந்தமல்லி நெடுஞ்சாலை 6 ஆண்டுகளுக்கு பின்னர் இருவழி பாதையாக மாற்றம்

சென்னை,
சென்னையில் மெட்ரோ ரெயில் பணிகள் நடந்துவருவதால்
அண்ணாசாலை மற்றும் பூந்தமல்லி சாலையில் பல்வேறு
இடங்கள் ஒருவழிப் பாதையாக மாற்றப்பட்டன.

இதனால் வாகனங்கள் ஒருசில கிலோ மீட்டர் தூரம் மாற்றுப்
பாதைகளில் சுற்றிச்செல்லும் நிலை உள்ளது. போக்குவரத்துக்கும்,
பொதுமக்களுக்கும் பல்வேறு இடையூறுகள் ஏற்பட்டு வருகின்றன.

தற்போது மெட்ரோ ரெயில் பணிகள் நிறைவடைந்த சாலைகளில்
வழக்கம்போல் போக்குவரத்து தொடங்கப்பட்டு வருகிறது.

மெட்ரோ ரெயில் சுரங்கப்பாதை பணிக்காக பூந்தமல்லி
நெடுஞ்சாலையில் நேரு பூங்காவில் இருந்து சேத்துப்பட்டு ஏரி
(ஈகா தியேட்டர்) வரை 2011–ம் ஆண்டு செப்டம்பர் மாதம் முதல்
ஒருவழிப் பாதையாக மாற்றப்பட்டது.

இதனால் இந்த பகுதியில் உள்ள கீழ்ப்பாக்கம் அரசு மருத்துவக்கல்லூரி
மருத்துவமனை, கல்வி நிறுவனங்கள், தியேட்டர்கள், பொழுதுபோக்கு
மையம் ஆகியவற்றுக்கு செல்வதில் பொதுமக்களுக்கு பல்வேறு
சிரமங்கள் ஏற்பட்டன.

நேற்று முதல் பூந்தமல்லி நெடுஞ்சாலையில் இந்த பகுதி இருவழிப்
பாதையாக மாற்றப்பட்டது.
-
-------------------------------------
தினத்தந்தி