ராஜ்யசபாவில் காங்கிரசை முந்திய பா.ஜ.,

புதுடில்லி:
ம.பி.,யிலிருந்து ஒரு எம்.பி., தேர்வானதன் மூலம் ராஜ்யசபாவில்
காங்கிரசை பா.ஜ., முந்தியது. மத்திய அமைச்சராக இருந்த
அனில் மாதவ் தாவே காலமானதைத் தொடர்ந்து மத்திய
பிரதேசத்தில் நடந்த ராஜ்யசபா இடைத்தேர்தலில் பா.ஜ.,வின்
சம்பாத்யா உயிகி வெற்றி பெற்றுள்ளார்.

இதன் மூலம் பா.ஜ.,வின் பலம் ராஜ்யசபாவில் 58 ஆக
அதிகரித்துள்ளது. இருப்பினும், அங்கு பா.ஜ.,வுக்கு
பெரும்பான்மை இன்னும் கிடைக்கவில்லை. அடுத்து நடைபெற
உள்ள தேர்தல்கள் மூலம் அக்கட்சியின் பலம் அதிகரிக்க
வாய்ப்பு உள்ளது.

தற்போது ராஜ்யசபாவில் பா.ஜ.,வுக்கு 58,
காங்கிரசுக்கு 57,
சமாஜ்வாதிக்கு 13,
அதிமுக 13,
திரிணமுல் காங்கிரஸ் 12,
ஐக்கிய ஜனதா தளத்திற்கு 10 எம்.பி.,க்கள் உள்ளனர்.

உ.பி.,யில் தேர்வான உறுப்பினர்கள் பதவிக்காலம் முடியும்
போது, சமாஜ்வாதி பலம் குறைய துவங்கும். பா.ஜ.,வின் பலம்
மேலும் அதிகரிக்கும்.

வரும் 2018 ல் அங்கு 10 எம்.பி.,க்கள் பதவிக்காலம் நிறைவு
பெறுகிறது. அதில் 9 எம்.பி., பதவி பா.ஜ.,கைப்பற்றும். தற்போது
கூட்டணி கட்சிகளுடன் சேர்த்து தேசிய ஜனநாயக கூட்டணிக்கு
121 எம்.பி.,க்கள் உள்ளனர்.

-------------------------------------
தினமலர்