பாகிஸ்தானில் இந்து மதத்தை சேர்ந்தவர் அமைச்சரானார்

இஸ்லாமாபாத்:

கடந்த 20 வருடங்களுக்கு பின் இந்து மதத்தை சேர்ந்த
ஒருவர் பாகிஸ்தான் அமைச்சராக பதவியேற்று
கொண்டார்.


ஊழல் புகார் காரணமாக பாகிஸ்தான் பிரதமராக இருந்த
நவாஸ் ஷெரீப்பை பாகிஸ்தான் சுப்ரீம் கோர்ட் தகுதி
நீக்கம் செய்தது. இதனையடுத்து ஷாகித் கான் அப்பாசி
புதிய பிரதமராக நேற்று பதவியேற்று கொண்டார்.


அவருடன் 47 பேர் அமைச்சர்களாக்கப்பட்டனர்.
அவர்களி்ல 19 பேர் இணையமைச்சர்கள்.


அதிபர் மம்னூன் ஹூசைன் பதவிப்பிரமாணம் செய்து
வைத்தார்.


இந்து மதத்தை சேர்ந்த தர்சன் லால்,65 என்பவரும்
அமைச்சராக நியமிக்கப்பட்டார். கடந்த 20 ஆண்டில் இந்து
மதத்தை சேர்ந்த ஒருவர் அமைச்சராவது இதுவே முதல்
முறையாகும்.


தர்சன்லால், நான்கு மாகாணங்களை ஒருங்கிணைக்கும்
குழு தலைவராக இருப்பார் என அதிகாரி ஒருவர் கூறினார்.


சிந்து மாகாணத்தின் கோட்கி மாவட்டத்தில் டாக்டராக
பணிபுரிந்த அவர் இரண்டாவது முறையாக எம்.பி.,யாக
தேர்வு செய்யப்பட்டுள்ளார்.
-
----------------------------------