பேரவை உரிமை குழு கூட்டம் நிறைவு; ஸ்டாலின் உள்பட 21 எம்.எல்.ஏ.க்களுக்கு நோட்டீஸ்

சென்னை,

தி.மு.க. செயல் தலைவர் மு.க. ஸ்டாலின் உள்பட 21 எம்.எல்.ஏ.க்கள்
பேரவைக்கு குட்கா கொண்டு வந்த விவகாரத்தில் விளக்கம்
அளிக்க கூறி நோட்டீஸ் அனுப்புவது என இந்த கூட்டத்தில் முடிவு
செய்யப்பட்டது.

தமிழக சட்டப்பேரவையில் மானிய கோரிக்கை விவாதத்தின்
பொழுது தடை செய்யப்பட்ட குட்காவை கடந்த ஜூலை 19ந்தேதி
பேரவைக்குள் கொண்டு வந்தனர் என கூறி தி.மு.க. எம்.எல்.ஏ.க்கள்
மீது உரிமை மீறல் புகார் எழுந்தது.

இதனை தொடர்ந்து சட்டப்பேரவை உரிமை குழு கூட்டம் இன்று
நடைபெறும் என அறிவிக்கப்பட்டது. 

இந்நிலையில், தலைமை செயலகத்தில் சட்டப்பேரவை உரிமைக்
குழு கூட்டம் துணை சபாநாயகர் பொள்ளாச்சி ஜெயராமன்
தலைமையில் தொடங்கி நடைபெற்றது.

இந்த கூட்டத்தின் முடிவில், தடை செய்யப்பட்ட குட்காவை
பேரவைக்கு கொண்டு வந்தது பற்றி விளக்கம் தர வேண்டும் என
கூறி மு.க. ஸ்டாலின் உள்பட 21 தி.மு.க. எம்.எல்.ஏ.க்களுக்கு
நோட்டீஸ் அனுப்புவது என முடிவு செய்யப்பட்டது.

அவர்கள் அனைவரும் ஒரு வாரத்தில் பதில் அளிக்க வேண்டும்
என்றும் நோட்டீசில் கூறப்பட்டுள்ளது.
-
-----------------------------------------
தினத்தந்தி