'செக்ஸ்' சாமியாருக்கு ஐ.நா., அழைப்பு!

புதுடில்லி:
சிறையில் அடைக்கப்பட்டுள்ள, சாமியார், குர்மீத் ராம் ரஹீம் சிங்,
போலீசார் கைது செய்துள்ள, அவனது வளர்ப்பு மகள், ஹனிபிரீத்
ஆகியோரை, உலக கழிப்பறை தினம் குறித்த பிரசாரத்தில்
ஈடுபடும்படி, ஐ.நா., சபை அழைப்பு விடுத்துள்ளது.

ஐ.நா., சபை சார்பில், நவ., 19ல், சர்வதேச கழிப்பறை தினம்
பின்பற்றப்படுகிறது. இதையொட்டி, கழிப்பறை கட்டுவதன்
முக்கியத்துவம் குறித்து, மக்களிடையே பிரசாரத்தில் ஈடுபடும்படி,
'டுவிட்டர்' சமூக வலைதளம் மூலம், ஐ.நா., சபை அழைப்பு
விடுக்கிறது.

டுவிட்டரில், ஐ.நா., சபையை பின்தொடரும், குர்மீத் ராம் ரஹீம்,
அவனது வளர்ப்பு மகள், ஹனிபிரீத்துக்கும் அழைப்பு விடுக்கப்பட்டு
உள்ளது.

பெண் துறவியரை, பாலியல் பலாத்காரம் செய்த வழக்கில்,
குர்மீத் ராம் ரஹீம் சிறையில் அடைக்கப்பட்டு உள்ளான்.அவனுக்கு
தண்டனை அறிவித்த நாளன்று நடந்த வன்முறையை துாண்டி
விட்டதாக, அவனது வளர்ப்பு மகள், ஹனிபிரீத்தும், நேற்று முன்தினம்
கைது செய்யப்பட்டார்.

இந்த தகவல்கள் தெரியாமல், ஐ.நா., சபை, அவர்களுக்கு,
டுவிட்டரில் அழைப்பு விடுத்துள்ளது.
-
-----------------------------
தினமலர்