செக்ஸ் புகார்: போப் நடவடிக்கை

by rammalar Tue Feb 06, 2018 3:41 pm

வாட்டிகன் சிட்டி:
பிஷப் மீதான செக்ஸ் புகாரை மூடி மறைக்க முயற்சி நடப்பதை
கண்டறிய, செக்ஸ் புகார் கண்டுபிடிப்பு நிபுணரை சிலி நாட்டுக்கு
அனுப்ப ரோமன் கத்தோலிக தலைமை மத குருவான
போப்பாண்டவர் உத்தரவிட்டுள்ளார்.

செக்ஸ் புகார்:

சிலி நாட்டின் பிரபலமான பிஷப், பெர்னாண்டோ கரதிமா
என்பவர் சிறுவர்களுடன் செக்ஸ் வைத்து கொண்டதாக
2011ம் ஆண்டு முதல் புகார் இருந்து வருகிறது. சமீபத்தில்
போப்பாண்டவர் சிலி மற்றும் பெரு நாடுகளில் சுற்றுப்
பயணம் மேற்கொண்ட போது இப்பிரச்னை பெரிதும்
எழுந்தது.

இத்துடன் செக்ஸ் புகாரை மூடி மறைக்கும் முயற்சியில்
சிலி நாட்டின் பிரபலமான இன்னொரு பிஷப் ஜுவான் பாரோஸ்
முயற்சி செய்வதாகவும் குற்றம் சாட்டப்பட்டது. ஆனால்,
பிஷப் பாரோஸ் தவறு ஏதும் செய்யவில்லை என்று போப்பாண்டவர்
கூறினார்.

அவர் மீதான புகாருக்கு இன்னும் ஆதாரம் சமர்ப்பிக்கப்படவில்லை
என்றும் கூறினார்.

எனினும், இப்பிரச்னை முடிவுக்கு வரவில்லை. இதையடுத்து
மால்டா நாட்டின் ஆர்ச் பிஷப்பும், செக்ஸ் புகார்களை கண்டு
பிடிப்பதில் நிபுணத்துவம் பெற்றவருமான சார்லஸ் சிசிக்ளூனா,
சிலிநாட்டுக்கு செல்ல போப்பாண்டவர் உத்தரவிட்டுள்ளார்.
-
---------------------------------------------

தினமலர்