எங்கே செல்கிறோம்? பதிவு 3

எங்கே செல்கிறோம்? பதிவு 1 ஐ படிக்க இங்கே கிளிக் செய்யவும்
எங்கே செல்கிறோம்?           பதிவு 2 ஐ படிக்க இங்கே கிளிக் செய்யவும்


திருநெல்வேலி மாவட்டம் , தென்காசி அருகில் நன்னகரம் என்ற அழகிய கிராமம். இந்துக்களும் முஸ்லிம்களும் அண்ணன் தம்பிகளாக வாழும் கிராமம்.

இந்த ஊரில் 13.10.2017 அன்று வேலம்மாள் (83) என்ற முதியவர் இறந்து விட்டார். அவர் இந்து மத நம்பிக்கையை பின்பற்றி நடப்பவர். அப்பொழுது அந்த ஊரில் கும்பாபிஷேகம் நடைபெற்று வந்ததால் மரணித்த அவரின் உடலை வீட்டில் வைக்கக்கூடாது என்பது ஐதீகம்.

மரணமடைந்த அந்த பெண்மணிக்கு 6 ஆண் மக்கள். அவர்கள் தாயின் உடலை எங்கே வைக்கலாம் என்று பல்வேறு முயற்சியில் இறங்கினர். அதில் அவர்களுக்கு வெற்றி கிடைக்கவில்லை.

இறுதியாக அந்த ஊர் பள்ளிவாசல் நிர்வாகிகளை  அணுகினர். நடந்ததை எடுத்துக் கூறினர். நிர்வாகிகளும் பிரேதத்தை  பள்ளிவாசலில் வைக்க அனுமதி கொடுத்தனர்.

மரணமடைந்தவரின் பிள்ளைகளும், மனிதநேயத்தை விரும்புபவர்களும் நிர்வாகிகளுக்கு  பாராட்டுக்களை குவித்த வண்ணம் உள்ளனர்.

மனித நேயம் என்றென்றும் வாழும்.   தமிழர்கள் உள்ள வரை..