சிறை மருத்துவமனைக்கு ஆருஷி பெயர்

-
லக்னோ:
உ.பி., மாநிலம், தாஸ்னா சிறை வளாகத்தில் உள்ள,
பல் மருத்துவமனைக்கு, நொய்டா மாணவி, ஆருஷியின்
பெயரை வைப்பதற்கு, மாநில அரசு முடிவு செய்துள்ளது.

உத்தர பிரதேச மாநிலம், நொய்டாவைச் சேர்ந்த, 14 வயது
மாணவி ஆருஷி, 2008ல் கொலை செய்யப்பட்டார்.
வீட்டில் தங்கி வேலை பார்த்து வந்த, ஹேம்ராஜும் கொலை
செய்யப்பட்டிருந்தார்.

இந்த இரட்டை கொலை தொடர்பாக, ஆருஷியின் பெற்றோர்,
ராஜேஷ் தல்வார், நுபுர் தல்வாருக்கு ஆயுள் தண்டனை விதித்து,
காஜியாபாத், சி.பி.ஐ., நீதிமன்றம் தீர்ப்பு அளித்தது.

அதன்படி, 2013ல், தாஸ்னா சிறையில் அடைக்கப்பட்ட,
பல் மருத்துவர்களான இவர்கள், மற்ற கைதிகளுக்கு சிகிச்சை
அளித்து வந்தனர்.

இவர்களை விடுதலை செய்து, அலகாபாத் உயர் நீதிமன்றம்
சமீபத்தில் தீர்ப்பளித்து. அதன்படி இருவரும் விடுதலை
செய்யப்பட்டனர்.

''சிறையில் இருந்தபோது, மற்ற கைதிகளுக்கு சிகிச்சை
அளித்த தல்வார் தம்பதியின் சேவையை பாராட்டும் வகையில்,
சிறை வளாகத்தில் உள்ள பல் மருத்துவமனைக்கு,
ஆருஷியின் பெயரை வைக்க முடிவு செய்யப்பட்டுள்ளது,'' என,
உ.பி., மாநில சிறைத் துறை அமைச்சர், ஜெய் குமார் சிங்
தெரிவித்துள்ளார்.
-
----------------
தினமலர்