7000 ஊழியர்களின் மனைவிகளுக்கு ஹெல்மெட் வழங்கிய வைர வியாபாரி!

குஜராத்:
குஜராத் மாநிலத்தில் சூரத்தில் உள்ள வைர வியாபாரி ஒருவர்,
தனது ஊழியர்களின் மனைவிகளுக்கு தீபாவளி போனஸாக
ஹெல்மெட்டை வழங்கியுள்ளார்.

குஜராத் மாநிலம் சூரத்தில் உள்ள வைர வியாபாரியான
சாவ்ஜி டோல்கியா என்பவர், தீபாவளி போனஸாக ஊழியர்களுக்கு
விலையுயர்ந்த பொருட்களை வழங்குவது வழக்கம்.

மூன்று ஆண்டுகளுக்கு முன்னர், 51 கோடி செலவில் தனது
ஊழியர்களுக்கு 400 வீடுகளையும், 1260 கார்களையும் வழங்கினார்.
இந்நிலையில், இவரிடம் பணிபுரிந்த ஊழியர் ஒருவருக்கு விபத்து
ஏற்பட்டுள்ளது. விபத்தின்போது, ஹெல்மெட் அணிந்திருந்ததால்,
உயிர் தப்பினார்.

ஆனால், அவரது மனைவி ஹெல்மெட் அணியாததால் அந்த
விபத்தில் பலியானார்.

இதனையடுத்து, இந்த வருடம் தீபாவளி போனஸாக தன்னிடம்
பணிபுரியும் 7000 ஊழியர்களின் மனைவிகளுக்கு ஹெல்மெட்டை
வழங்கியுள்ளார். இவரின் இந்த செயலை அனைவரும் பாராட்டி
வருகின்றனர்.
-
-------------------------------------------தமிழ்.சமயம்