அக்.,30 ல் காங்., தலைவராக பொறுப்பேற்கிறார் ராகுல்

ஐதராபாத் :
வரும் அக்டோபர் 26 ம் தேதி காங்., துணைத் தலைவர் ராகுலை, கட்சியின் தலைவராக சோனியா முறைப்படி அறிவிக்க உள்ளார் என அக்கட்சியின் உயர்மட்ட தகவல்கள் தெரிவிக்கின்றன.

அக்டோபர் 30 ல் கட்சியின் புதிய தலைவராக ராகுல் பொறுப்பேற்றுக் கொள்ள உள்ளார் என்றும் கூறப்படுகிறது.

ஆந்திர மாநிலத்தில் இருந்து தெலுங்கானா தனி மாநிலம் உருவாக்கப்பட்டதே ஐக்கிய முற்போக்கு கூட்டணி மீண்டும் ஆட்சி அமைக்க காரணமாக அமைந்தது. இதனால் விரைவில் ஆந்திராவில் தேர்தல் வர உள்ளதால், தெலுங்கானாவில் ராகுலின் பதவியேற்பு குறித்த அறிவிப்பு வெளியிடப்படலாம் என கூறப்படுகிறது.

தெலுங்கானா தெலுங்கு தேச கட்சியின் தலைவர் அனுமுல்லா ரேவந்த் ரெட்டி, நவம்பர் 9 ம் தேதி டில்லியில் ராகுலை சந்தித்து, காங்கிரசில் இணைய உள்ளதாக கூறப்படுகிறது. அடுத்த தேர்தலை காங்., உடன் இணைந்தே தெலுங்கானா தெலுங்கு தேச கட்சி சந்திக்க திட்டமிட்டுள்ளது.

2019 ல் நடக்க உள்ள தெலுங்கானா மாநில தேர்தல், சமீபத்தில் நடக்க உள்ள இமாச்சல பிரதேசம் மற்றும் குஜராத் சட்டசபை தேர்தல்கள் ஆகியவற்றை மனதில் வைத்தே ராகுலிடம் கட்சியின் தலைமை பொறுப்பு வழங்கப்பட உள்ளதாகவம் கட்சி வட்டார தகவல்கள் தெரிவிக்கின்றன.

தினமலர்