எல்லையில் பாதுகாப்பு வீரர்களுக்கு நவீன பனி ஸ்கூட்டர் வழங்க திட்டம்

-
நொய்டா:
''இந்தியா - சீனா எல்லையில், புதிதாக, 50 பாதுகாப்பு நிலைகள்
அமைக்கப்படும். அங்கு பணியாற்றும் வீரர்கள், குளிரை தாங்கக்
கூடிய வகையில், புதிய தொழில்நுட்பம் பயன்படுத்தப்படும்;
அவர்களுக்கு, நவீன பனி ஸ்கூட்டர்கள் வழங்கப்படும்,'' என
, மத்திய உள்துறை அமைச்சர், ராஜ்நாத் சிங் தெரிவித்தார்.

ஐ.டி.பி.பி., எனப்படும், இந்தோ - திபெத் எல்லை போலீஸ் படையின்,
56வது நிறுவன தினத்தையொட்டி, உ.பி., மாநிலம், கிரேட்டர்
நொய்டாவில் உள்ள, படையின் தளத்தில், சிறப்பு அணிவகுப்பு
நடந்தது.

இதில் பங்கேற்ற, மத்திய உள்துறை அமைச்சர், ராஜ்நாத் சிங்
கூறியதாவது:

இந்தியா - சீனா இடையேயான, 3,488 கி.மீ., எல்லைப் பகுதியில்,
176 எல்லை பாதுகாப்பு நிலைகள் உள்ளன. மேலும், 50 நிலைகள்
அமைக்கப்படும்.

எல்லையில், கடும் குளிரில் பணியாற்றும் வீரர்களுக்கு, எடை
குறைந்த, சிறப்பு உடை வழங்கப்பட உள்ளது. மேலும், நவீன பனி
ஸ்கூட்டர்களும் வழங்கப்படும்.

எல்லையில் உள்ள நிலைகளில், 20 டிகிரி வெப்ப நிலையை
பராமரிக்கப் புதிய தொழில்நுட்பத்தை பயன்படுத்த உள்ளோம்.
சோதனை முறையில், ஜம்மு - காஷ்மீர் மாநிலம், லடாக்கில்,
இது பயன்படுத்தப்பட்டு உள்ளது.

இந்தோ - திபெத் படையினருக்கு, வீட்டு வசதி உள்ளிட்ட வசதிகள்
செய்து தரப்படும். சீன எல்லையில் பணியாற்றுவதால்,
நம் வீரர்களுக்கு, சீன மொழி கற்றுத் தரப்படுகிறது. இவ்வாறு அவர்
கூறினார்.
-
------------------------------
தினமலர்