உலக கோடீஸ்வரர்கள் எண்ணிக்கையில் முந்தும் இந்தியா, சீனா

உலக அளவில், கடந்த ஆண்டில் புதிதாக உருவான கோடீஸ்வரர்களில்
எண்ணிக்கையைப் பொறுத்தவரையில், அமெரிக்காவை விடவும்,
ஆசிய நாடுகளான சீனா மற்றும் இந்தியாவில் அதிகரித்துள்ளது.

சுவிட்சர்லாந்தை சேர்ந்த யுபிஎஸ் வங்கி மற்றும் ஆடிட்டர்கள்
அமைப்பு, 2016-ம் ஆண்டில் புதிதாக உருவாகியுள்ள கோடீஸ்வரர்கள்
பற்றிய புள்ளி விபரங்களை ஆய்வு செய்து வெளியிட்டுள்ளது.

அதன்படி, 2016-ம் ஆண்டில் உலகம் முழுவதும்,
புதிதாக 1550 கோடீஸ்வரர்கள் உருவாகியுள்ளனர். அவர்களில்
637 பேர் ஆசியாவையும், 563 பேர் அமெரிக்க கண்டத்தையும்,
342 பேர் ஐரோப்பாவையும் சேர்ந்தவர்கள்

. இந்தமுறை, இதுவரை இல்லாத அளவு அமெரிக்க கண்டத்தை,
ஆசியா முந்தியுள்ளது.

ஆசியாவில் புதிதாக உருவான கோடீஸ்வரர்களில் 75 சதவீதம் பேர்
இந்தியா மற்றும் சீனாவைச் சேர்ந்தவர்கள் ஆவர்.
இதன் மூலம், இரு நாடுகளின் மொத்த கோடீஸ்வரர்களின்
எண்ணிக்கை இந்தமுறை அமெரிக்காவைவிட அதிகரித்துள்ளது.

இந்த புதிய கோடீஸ்வரர்களின் பட்டியலில் இந்தியர்கள் 100 பேர்
இடம் பிடித்துள்ளனர்.

அதுபோலவே, 2016ல், உலகம் முழுவதும் உள்ள கோடீஸ்வரர்களின்
ஒட்டுமொத்த சொத்து மதிப்பு 6 டிரில்லின் அமெரிக்க டாலர்களாக
அதிகரித்துள்ளது. (ஒரு டிரில்லியன் என்பது இந்திய ரூபாய்
மதிப்பில் 10 லட்சம் கோடி ரூபாயாகும்.

இதில் அமெரிக்க கோடீஸ்வரர்களின் சொத்து மதிப்பு 2.7 டிரில்லியன்
அமெரிக்க டாலர்களாகும்.
-
------------------
தி இந்து