தேசிய கீதத்துடன் பணி துவக்கம் : ஜெய்ப்பூர் மாநகராட்சி அதிரடி

ஜெய்ப்பூர்:
'ஜெய்ப்பூர் மாநகராட்சி அலுவலகங்களில், தினமும் காலை,
தேசிய கீதம் இசைக்கப்படும்' என, பா.ஜ.,வைச் சேர்ந்த,
மேயர், அசோக் லோகாடி தெரிவித்து உள்ளார்.

ராஜஸ்தானில், பா.ஜ.,வைச் சேர்ந்த, வசுந்தரா ராஜே
முதல்வராக உள்ளார். இந்நிலையில், ஜெய்ப்பூர் மாநகராட்சி
அலுவலகங்களில், தேசிய கீதத்தையும், தேசிய பாடலையும்ஒ
லிபரப்ப, மேயர், அசோக் லோகாடி உத்தரவிட்டு உள்ளார்.

அதன்படி, நேற்று, மாநகராட்சி தலைமை அலுவலகத்தில்,
தேசிய கீதத்துடன், காலை நேர பணிகள் துவங்கின.

இது குறித்து, மேயர், அசோக் லோகாடி கூறியதாவது:
ஜெய்ப்பூரில் உள்ள மாநகராட்சி அலுவலகங்களில்,
ஒவ்வொரு நாளும், காலை, 9:50 மணிக்கும், 'ஜன கன' எனத்
துவங்கும், தேசிய கீதம் ஒலிபரப்பாகும்.

அதன்பின், அலுவல் பணிகள் துவங்கும். இதனால், ஊழியர்கள்
சரியான நேரத்திற்கு பணிக்கு வருவது சாத்தியமாகும்.

அதே போல், பணி நிறைவடைந்து வீடு திரும்புவதற்கு முன்,
மாலை, 5:50 மணிக்கு, தேசிய பாடலான, 'வந்தே மாதரம்'
ஒலிபரப்பாகும். இதன் மூலம், நிறைவான மனதுடன்,
ஊழியர்கள் வீடு திரும்புவர். நாட்டுப்பற்றை வளர்க்கும்
வகையிலும், ஊழியர்களின் கடமை உணர்வை நினைவுபடுத்தும்
வகையிலும், இந்த நடைமுறை செயல்படுத்தப்படுகிறது.
இவ்வாறு அவர் கூறினார்.
-
---------------

தினமலர்