7 மாநிலங்களில் வசிக்கும் இந்துக்களை சிறுபான்மையினராக அறிவிக்க மனு

by rammalar Wed Nov 01, 2017 6:54 pm

புதுடில்லி:
ஏழு மாநிலங்கள் மற்றும் ஒரு யூனியன் பிரதேசத்தில் வசிக்கும்
இந்துக்களை சிறுபான்மையினராக அறிவிக்கக் கோரி,
உச்ச நீதிமன்றத்தில் மனு தாக்கல் செய்யப்பட்டுள்ளது.

பா.ஜ., வைச் சேர்ந்த, அஷ்வினி உபாத்யாயா, உச்ச நீதி மன்றத்தில்
தாக்கல் செய்துள்ள மனுவில் கூறப்பட்டுள்ளதாவது: கடந்த,
2011ல் எடுக்கப்பட்ட மக்கள் தொகை கணக்கெடுப்பின்படி,
ஜம்மு - காஷ்மீர், மிசோரம், நாகாலாந்து, மேகாலயா, அருணாச்சல
பிரதேசம், மணிப்பூர்.பஞ்சாப் ஆகிய மாநிலங்களிலும், யூனியன்
பிரதேசமான லட்சத்தீவிலும், ஹிந்து மதத்தினர்
சிறுபான்மையினராக வசிக்கின்றனர்.

இதுவரை, ஹிந்து மாநிலங்களில், ஹிந்துக்களை சிறுபான்மையினராக
பதிவு செய்யவில்லை. எனவே, இந்த ஏழு மாநிலங்கள் மற்றும்
லட்சத்தீவில் வசிக்கும் இந்துக்களை சிறுபான்மையினராக அறிவிக்க
மத்திய அரசுக்கு உத்தரவிட வேண்டும்.

அப்போது தான், அவர்களால், சிறுபான்மையினருக்குரிய சலுகைகளை
பெற முடியும்.

மேலும், 1993ல், மத்திய அரசு வெளியிட்ட அறிவிப்பை முழுமையாக
ரத்து செய்ய வேண்டும். இந்த வழக்கில், மத்திய சட்ட அமைச்சகத்தை
பிரதிவாதியாக சேர்க்க வேண்டும்.இவ்வாறு அந்த மனுவில்
கூறப்பட்டுள்ளது.
-
-------------------
தினமலர்