வங்க கடலில் புதிய காற்றழுத்தம்: மழை தொடரும் என எச்சரிக்கை

சென்னை வானிலை மைய இயக்குனர், பாலச்சந்திரன் கூறியதாவது:

வட கிழக்கு பருவ மழை, தமிழகத்தில் தீவிரமடைந்து உள்ளது.
வங்கக் கடலில், மன்னார் வளைகுடா அருகில் நிலை
கொண்டிருந்த மேலடுக்கு சுழற்சி, இலங்கை அருகில்
தென்மேற்கு பகுதிக்கு நகர்ந்துள்ளது.

அதனால், இன்று, தமிழகத்தின் தெற்கு கடலோர மாவட்டங்களில்,
கனமழைக்கு வாய்ப்புள்ளது.

சென்னை உள்ளிட்ட வடக்கு மற்றும் கிழக்கு கடலோர
மாவட்டங்களில், மழை விட்டு விட்டு பெய்யும். சில நேரங்களில்,
கனமழை இருக்கும்.இவ்வாறு அவர் கூறினார்.

இதற்கிடையே, வங்கக் கடலில் மையம் கொண்டிருந்த மேலடுக்கு
சுழற்சிக்கு வடக்கே, சென்னை, காஞ்சிபுரம், கடலுார், புதுச்சேரி
போன்ற கடலோர மாவட்டங்களின் அருகில், புதிய காற்றழுத்த
தாழ்வுநிலை உருவாகி உள்ளது.

இது, வளிமண்டல மேலடுக்கு சுழற்சி இருக்கும் இடம் வரை
நீண்டுள்ளதால், கடலோர மாவட்டங்களில், மழை தொடரும் என,
இந்திய வானிலை ஆய்வு மையம் கூறியுள்ளது.
-
------------------------
தினமலர்