கமல் செய்தி குழுவில் மும்பை பெண் அதிகாரி

நடிகர் கமலுக்கான பத்திரிகை தொடர்பு குழுவில், மும்பையைச்
சேர்ந்த பெண்மணி, மாண்ட்வி ஷர்மா இடம் பெற்றுள்ளார்.

அரசியல் பிரவேச அறிவிப்பிற்கு பின், பத்திரிகையாளர்களை,
கமல் அடிக்கடி சந்திக்கிறார். தமிழ் பத்திரிகையாளர்களை,
கமல் குழுவில், ஏற்கனவே உள்ள பிரதிநிதிகள் பார்த்துக்
கொள்கின்றனர்.

எனினும், தேசிய தொலைக்காட்சிகளில் பணிபுரிவோரை
ஒருங்கிணைப்பதில், சில சிக்கல்கள் இருந்தன. மேலும், கமல்
தேசிய அளவில் அறியப்பட்டவர் என்பதாலும், அவருக்கு,
அனைத்து மாநிலங்களையும் எளிதில் அடையக்கூடிய,
பத்திரிகை தொடர்பு குழு தேவைப்பட்டது.

அதைத் தொடர்ந்து, மும்பையைச் சேர்ந்த, மாண்ட்வி ஷர்மா
என்பவரை, தனக்கான பத்திரிகை தொடர்பு பணிகளை
மேற்கொள்ள, கமல் அமர்த்தி உள்ளார்.

மாண்ட்வி, பிரபல நடிகர், ஷாரூக் கானின், 'ரெட் சில்லீஸ்
என்டர்டெயின்மென்ட்' நிறுவனத்தில், ஊடக தொடர்பு பிரிவில்,
தலைமை அதிகாரியாக பணிபுரிந்தவர்.

- நமது நிருபர் -
தினமலர்