'நாடா' ஊக்க மருந்து தடுப்பு விதிகள்; பி.சி.சி.ஐ., எதிர்ப்பு

புதுடில்லி :
தேசிய ஊக்கமருந்து தடுப்பு மையத்தின்படி, இந்திய கிரிக்கெட்
வீரர்களை சோதனைக்கு உட்படுத்த பி.சி.சி.ஐ., மறுப்பு
தெரிவித்துள்ளது.

தேசிய ஊக்கமருந்து தடுப்பு மையத்தின் ('நாடா') விதிப்படி
செயல்பட, இந்திய கிரிக்கெட் போர்டுக்கு (பி.சி.சி.ஐ.,) கடந்த
மாதம் மத்திய விளையாட்டுத்துறை சார்பில் கடிதம் எழுதப்பட்டது.

இதற்கு, சுப்ரீம் கோர்ட்டால் நியமிக்கப்பட்ட பி.சி.சி.ஐ., தற்காலிக
தலைமை செயல் அதிகாரி ராகுல் ஜோரி, 'நாடா' தலைமை செயல்
அதிகாரி நவீன் அகர்வாலுக்கு கடிதம் எழுதி உள்ளார்.

அதில் இந்திய கிரிக்கெட் வீரர்களை போட்டியில் அல்லது போட்டி
இல்லாத நேரத்தில் ஊக்கமருந்து சோதனை செய்ய 'நாடா'வுக்கு
எந்த அதிகாரமும் கிடையாது எனவும்,

இது குறித்து எந்த ஒரு நடவடிக்கைக்கும் ஒத்துழைக்க வேண்டிய
அவசியம் இல்லை எனவும் தெரிவிக்கப்பட்டுள்ளது.
-
-----------------------
தினமலர்