தமிழகத்தை சேர்ந்த முன்னாள் இந்திய கிரிக்கெட் வீரர் மில்கா சிங் மரணம்!

-
சென்னை:
தமிழகத்தை சேர்ந்த முன்னாள் இந்திய கிரிக்கெட் வீரர்
ஏ.ஜி. மில்கா சிங் மாரடைப்பால் திடீரென காலமானார்.

இந்திய டெஸ்ட் கிரிக்கெட் அணியின் முன்னாள் வீரர்
ஏ.ஜி. மில்கா சிங், 75. இவர் கடந்த 1941ல் சென்னையில் பிறந்தார்.
இந்திய அணிக்காக இவர் 4 டெஸ்ட் போட்டிகளில் பங்கேற்று
92 ரன்கள் எடுத்துள்ளார்.

சர்வதேச கிரிக்கெட்டில் அதிகளவில் வாய்ப்பு கிடைக்காத
போதும் 88 முதல் தர போட்டிகளில் பங்கேற்றுள்ள மில்கா சிங்,
4324 ரன்கள் எடுத்துள்ளார்.

தனது 13வது வயதில் கிரிக்கெட் விளையாட துவங்கிய மில்கா சிங்,
தனது 17வது வயதில் மெட்ராஸ் அணிக்காக ரஞ்சிக்கோப்பை
தொடரில் களமிறங்கினார்.


கடந்த 1904ல் அமிர்தசரஸில் இருந்து மில்கா சிங் குடும்பத்தினர்
வேலைக்காக மெட்ராசுக்கு குடியேறினர்.
இவரது தந்தை ராம் சிங்கும் 56 முதல் தர போட்டிகளில்
பங்கேற்றுள்ளார். இவரது சகோதரர் கிருபால், 14 டெஸ்டில்
பங்கேற்றுள்ளார். அதில் கடந்த 1961-62ல் இங்கிலாந்துக்கு
எதிராக கிருபால், மில்கா சிங்குடன் சேர்ந்து விளையாடியுள்ளார்.

இந்நிலையில் இன்று இவர் மாரடைப்பு காரணமாக, தனது
75வது வயதில் உயிரிழந்தார்.
-
------------------------------