ஜனாதிபதி ராம்நாத் மகளுக்கு மாற்று பணி தந்த, 'ஏர் - இந்தியா

-
புதுடில்லி:

ஜனாதிபதி ராம்நாத் கோவிந்தின் மகள், ஸ்வேதாவை,
விமானப் பணிப்பெண் பணியில் இருந்து, வேறு துறைக்கு
மாற்றியுள்ளது, ஏர் - இந்தியா நிறுவனம்.

ஜனாதிபதி, ராம்நாத் கோவிந்தின் மகள், ஸ்வேதா,
ஏர் - இந்தியா விமான நிறுவனத்தில் பணிப் பெண்ணாக
பணியாற்றி வந்தார். சமீபத்தில் அவர், வேறு பணிக்கு
மாற்றப்பட்டுள்ளார்.

இது குறித்து, ஏர் - இந்தியா நிறுவனம் கூறியுள்ளதாவது:

ஜனாதிபதி மகள், ஸ்வேதா, பணிப்பெண்ணாக பணியாற்றி
வந்தார். ஜனாதிபதிமகள் என்பதால், அவருக்கு பாதுகாப்பு
அளிக்கப்பட்டுள்ளது. விமானப் பணிப்பெண்ணாக,
அவர் விமானத்தில் செல்லும்போது, அவரது பாதுகாவலர்களுக்கும்,
அந்த விமானத்தில், 'சீட்' தர வேண்டி உள்ளது.

இந்தப் பிரச்னையை சமாளிக்க, ஸ்வேதா, வேறு துறைக்கு
மாற்றப்பட்டுள்ளார். இவ்வாறு அந்நிறுவனம் கூறியுள்ளது.
-
------------------------------------
தினமலர்