இஸ்ரோ உதவியுடன் ஆளில்லா ரயில்வே கிராஸிங்கில் எச்சரிக்கை கருவிகள்

-
புதுடில்லி: ஆளில்லா ரயில்வே கிராஸிங்கில் ஏற்படும் விபத்துக்களை தவிர்க்க, இஸ்ரோ உதவியுடன் எச்சரிக்கை விடுக்கும் கருவிகளை பொருத்த இந்திய ரயில்வே முடிவு செய்துள்ளது.


எச்சரிக்கை கருவி

இந்தியாவில் சுமார் 7,200 ஆளில்லா ரயில்வே கிராஸிங்குள் உள்ளன. இவற்றை கடந்து செல்லும் போது பொதுமக்கள் மற்றும் வாகன ஓட்டிகள் ரயில் வருவதை கவனிக்க தவறும் போது விபத்தில் சிக்கி உயிரிழக்கின்றனர். விபத்துக்களினால் ஏற்படும் உயிரிழப்புகளை தவிர்க்க ஆளில்லா கிராஸிங்குளிலும் ரயில் என்ஜின்களிலும் எச்சரிக்கை கருவிகளை பொருத்த இந்திய ரயில்வே முடிவு செய்துள்ளது.


இஸ்ரோ உதவி
இதற்காக இந்திய ரயில்வே இஸ்ரோ உதவியுடன் புதிய கருவிகளை உருவாக்கியுள்ளது. இக்கருவிகள் ரயில்வே கிராஸிங்குகளில் அமைக்கப்படும் போது, ரயில் 500 மீட்டருக்கு அப்பால் வரும்போது எச்சிரக்கை ஒலியை எழுப்பும். இதன் மூலம் வாகனஓட்டிகள் மற்றும் பொதுமக்கள் ரயில் நெருங்குவதை உணர்ந்து விபத்துகளில் சிக்காமல் தங்களை பாதுகாத்துக் கொள்ள முடியும். ரயில் என்ஜினிலும் இக்கருவி பொருத்தப்பட்டுள்ளதால் ரயில் டிரைவர் விபத்துகளை தவிர்க்க இயலும். இதன் மூலம் ரயில்களின் இயக்கமும் துல்லியமாக கண்காணிக்கப்படும்.

டில்லி-மும்பை இடையேயான ரயில் பாதையில் இத்திட்டம் முதலில் அமல்படுத்தப்பட்டு பின் இது நாடு முழுவதும் விரிவுபடுத்த திட்டமிடப்பட்டுள்ளது.