போர்ப்ஸ் இளம் கண்டுபிடிப்பாளர் பட்டியலில் சென்னை பெண்!

சென்னை:
போர்ப்ஸ் பத்திரிக்கையின் 30 வயதுக்குட்பட்ட இளம் கண்டு
பிடிப்பாளர்கள் பட்டியலில் சென்னையை சேர்ந்த இளம்பெண்
அக்சயா இடம் பிடித்துள்ளார்.
Lumme Inc நிறுவனத்தின் தலைமை செயல் அலுவலரான
பணியாற்றி வரும் அக்சயா சண்முகம் என்ற 29 வயது இளம்
பெண் புகைப்பழகத்தில் இருந்து விடுபடுவதற்கான புதிய
சாப்ட்வேர் கொண்ட சாதனத்தை கண்டுபிடித்துள்ளார்.

இதனை பாராட்டும் வகையில் போர்ப்ஸ் பத்திரிக்கை அவரது
பெயரை வெளியிட்டுள்ளது. இதுகுறித்து பேசிய
அக்‌சயா சண்முகம், போதை பழக்கம், அதனால் நடத்தையில்
ஏற்படும் மாற்றம் இவற்றை ஆராய்ந்து மருத்துவ ரீதியாக
அதனை கட்டுப்படுத்தும் வகையில் இந்த சாதனம்
வடிவமைக்கப்பட்டுள்ளதாகவும், இதன்மூலம் தனிநபர்கள்
தங்கள் வாழ்வியல் முறை குறித்து தெளிவை பெற முடியும்
என்றும் கூறியுள்ளார்.

மேலும் புகைப்பழக்கம் உள்ளவர்கள் ஸ்மார்ட் வாட்ச் போன்று
இருக்கும் சாதனத்தை அணிந்து கொண்டால் அவர்களது
நடத்தை, புகைபிடிக்கும் முறைகள், எந்த சமயத்தில்
அவர்களுக்கு புகை பிடிக்க தோன்றுகிறது என்பதை அந்த
சாதனம் ஆராயும் என்று கூறியுள்ளார்.

மேலும் புகை பிடிக்க தோன்றும் 6 நிமிடங்களுக்கு முன்பு
அந்த சாதனம் அவர்களை எச்சரிக்கும் என்றும் அவர்
கூறியுள்ளார். தனது இந்த கண்டுபிடிப்பை 2018ம் ஆண்டு
ஏப்ரலில் சந்தைப்படுத்த உள்ளதாக அக்‌சயா தெரிவித்துள்ளார்.

சென்னை அண்ணா பல்கலையில் எலக்ட்ரிக்கல் இன்ஜினியரிங்
பட்டம் பெற்றுள்ள அக்சயா, 2009ம் ஆண்டு அமெரிக்காவின்
மாஸ்சாசூட்டஸ் பல்கலையில் சேர்ந்து பட்ட மேற்படிப்பும்,
ஆராய்ச்சி படிப்பும் படித்துள்ளார்.

தொழில் முதல் விளையாட்டு வரை சுமார் 20 பிரிவுகளைச்
சேர்ந்த 600 பேர் போர்ப்ஸ் பத்திரிக்கை வெளியிட்டுள்ள
பட்டியலில் இடம்பெற்றுள்ளனர். இதில் 30 வயதிற்கு உட்பட்ட
30 பேர் கொண்ட பட்டியலில் அக்சயாவும் இடம்பெற்றுள்ளார்.

இந்த சாதனம் அறிவியல் ரீதியாக ஆய்வில் நிரூபிக்கப்பட்டு
95% சரியாக செயல்பட்டது குறிப்பிடத்தக்கது.
–
—————————
தினகரன்