மாணவிகளை வயலில் வேலை வாங்கிய ஆசிரியை

மயூர்பன்ஜ்:
ஒடிசாவில் உள்ள அரசு பள்ளியில் படித்த மாணவிகளை
ஆசிரியை ஒருவர், தனது வயலில் சம்பளம் கொடுத்து
வேலை வாங்கியது சர்ச்சையை ஏற்படுத்தியுள்ளது.

சம்பளம்
ஒடிசாவின் மயூர்பன்ஜ் மாவட்டத்தில் உள்ள தாகூர்முண்டா
என்ற இடத்தில் அரசு பள்ளி உள்ளது.
இங்கு பழங்குடியினத்தை சேர்ந்த மாணவ மாணவியர்
அதிகம்பேர் பள்ளி விடுதியில் தங்கி படித்து வருகின்றனர்.

இங்கு ஆசிரியையாக பணிபுரியும் சங்கீதா சரிதா முண்டே
என்பவர், பள்ளியில் படிக்கும் 3 மாணவிகளை தினமும்
ரூ.100 சம்பளமாக கொடுத்து கடந்த 3 நாட்களாக தனது
வயலில் வேலை செய்ய கூறியுள்ளார்.

போராட்டம்
இந்நிலையில், மாணவிகளின் பெற்றோர், தங்களது
குழந்தைகளை பார்க்க பள்ளிக்கு வந்த போது, அங்கு
அவர்கள் இல்லாததும், வயலில் வேலை பார்ப்பதும்
தெரியவந்தது.

இதனால், ஆத்திரமடைந்த பெற்றோர்கள், பள்ளியை பூட்டி
போராட்டத்தில் ஈடுபட்டனர்.
இது குறித்து உயரதிகாரிகளுக்கு தகவல் அளிக்கப்பட்டது.
இதனையடுத்து விசாரணைக்கு உத்தரவிடப்பட்டுள்ளது.
-
-------------------------------------
தினமலர்