ஜெ., மரண விசாரணைக்கு அவகாசம்: நீதிபதி கோரிக்கை

சென்னை: ஜெயலலிதா மரணம் தொடர்பாக அமைக்கப்பட்ட விசாரணை கமிஷனின் பதவிக்காலத்தை மேலும் 6 மாதம் நீட்டிக்க வேண்டும் என நீதிபதி ஆறுமுகசாமி தமிழக அரசுக்கு கடிதம் எழுதியுள்ளார்.

முன்னாள் முதல்வர் ஜெயலலிதா மரணம் தொடர்பாக விசாரணை நடத்த, ஓய்வு பெற்ற நீதிபதி ஆறுமுகசாமி தலைமையில் விசாரணை கமிஷன் அமைக்கப்பட்டது. இந்த கமிஷனுக்கு டிச., 25 வரை 3 மாத அவகாசம் வழங்கப்பட்டிருந்தது. விசாரணை கமிஷனுக்கு கலச மஹாலில் அலுவலகம் ஒதுக்கப்பட்டுள்ளது.

ஜெயலலிதா மரணம் தொடர்பாக பலருக்கு சம்மன் அனுப்பப்பட்டது.. திமுகவை சேர்ந்த சரவணன், ஜெயலலிதா அண்ணன் மகள் தீபா கணவர் மாதவன் பேட்ரிக், டாக்டர் சிவக்குமார், அரசு மருத்துவமனை டாக்டர்கள், அதிகாரிகளிடம் விசாரணை நடத்தியுள்ளது. மேலும் சிலருக்கு சம்மன் அனுப்பியுள்ளது.

நன்றி
தினமலர்