இன்டர்நெட் பயன்பாட்டை மேம்படுத்த புதிய செயற்கைகோள் : இஸ்ரோ

புதுடில்லி:
இந்தியாவில் இன்டர்நெட் பயன்பாட்டை மேம்படுத்த புதிய
செயற்கோளை இஸ்ரோ வடிவமைத்துள்ளது.

நாட்டின் அதிக எடை கொண்ட செயற்கை கோளை இஸ்ரோ
வடிவமைத்துள்ளது. ஜிசாட் - 11 என்ற பெயர் கொண்ட இந்த
செயற்கைகோள் இந்தியாவின் இன்டர்நெட் பயன்பாட்டை
மேம்படுத்துவதற்காக பயன்படுத்தப்படுகிறது.

சுமார் ரூ 500 கோடி செலவில் உருவாக்கப்பட்ட இந்த
செயற்கைகோள் 6 டன் எடை கொண்டது. பிரதமரின்
டிஜிட்டல் இந்தியா திட்டத்திற்கு பங்களிக்கும் வகையில்
இந்த செயற்கைகோள் உருவாக்கப்பட்டுள்ளது.

இந்த செயற்கை கோள் மூலம் கிராம பஞ்., தாலுகா
பகுதிகளுக்கும், பாதுகாப்பு துறைக்கும் உள்ள இணையதள
வசதியை மேம்படுத்துவதற்காக வடிவமைக்கப்பட்டுள்ளது.

இந்த செயற்கைகோள் அமெரிக்காவின் பிரஞ்சு கயானா
பகுதியில் கோயுவு விண்வெளி தளத்தில் இருந்து விரைவில்
விண்ணில் ஏவப்படவுள்ள பிராஞ்சு அரைன் என்ற களத்தின்
மூலம் விண்ணில் ஏவப்படுகிறது.
-
--------------------------------
தினமலர்