கருப்பு பண சட்டத்தின்கீழ் நடவடிக்கை வருமான வரித்துறை நோட்டீசுக்கு தடைவிதிக்க உயர் நீதிமன்றம் மறுப்பு

சென்னை:
வெளிநாட்டு முதலீடு விவகாரத்தில் கருப்பு பண சட்டத்தின்கீழ்
வருமான வரித்துறை அனுப்பிய நோட்டீசுக்கு தடை விதிக்க
உயர் நீதிமன்றம் மறுத்துவிட்டது.

இங்கிலாந்தில் கேம்பிரிட்ஜ் நகரில் ஹோல்பன் குளோஸ் பார்டன்
பகுதியில் சொத்து வாங்கியதை வருமான வரித்துறையிடம்
தெரிவிக்கவில்லை என்றும் அமெரிக்காவில் உள்ள நானோ
ஹோல்டிங் நிறுவனத்தில் முதலீடு செய்ததை கணக்கில்
காட்டவில்லை என்றும் முன்னாள் மத்திய அமைச்சர் கார்த்தி
சிதம்பரம், அவரது மனைவி நிதி, தாய் நளினி சிதம்பரம்
ஆகியோருக்கு வருமானவரித்துறை நோட்டீஸ் அனுப்பியது.

இந்த நோட்டீசை எதிர்த்து 3 பேரும் சென்னை உயர் நீதிமன்றத்தில்
தனித்தனியாக வழக்கு தொடர்ந்தனர்.


கார்த்தி சிதம்பரம் தாக்கல் செய்த மனுவில் கூறியிருப்பதாவது:

வெளிநாட்டில் வாங்கிய சொத்து குறித்து வருமான வரிக்கணக்கில்
தெரிவித்துள்ள நிலையில் கருப்பு பண சட்டத்தின்கீழ் வருமான
வரித்துறை நோட்டீஸ் அனுப்பியது விதிமுறைகளுக்கு முரணானது.

எனவே, இந்த நோட்டீசை ரத்து செய்து உத்தரவிட வேண்டும்.
இதேபோல், மனைவி நிதி, தாய் நளினி சிதம்பரம் ஆகியோரும்
வருமானவரித்துறை அனுப்பிய நோட்டீசை எதிர்த்து மனுத் தாக்கல்
செய்துள்ளனர்.

இந்த மனுக்கள் நீதிபதி டி.எஸ்.சிவஞானம் முன்னிலையில்
விசாரணைக்கு வந்தது. வழக்கை விசாரித்த நீதிபதி, நோட்டீசுக்கு
தடை விதிக்க மறுப்பு தெரிவித்து வழக்கை தள்ளுபடி செய்தார்.
-
---------------------------
தினகரன்