டெல்லியில் அம்பேத்கர் சிலை உடைப்பு- மர்ம மனிதர்கள் அட்டூழியம்

புதுடெல்லி:

டெல்லி அருகே கிரேட்டர் நொய்டா பிஸ்ராக் பகுதியில்
உள்ள ரிச்பால் கார்கி கிராமத்தில் டாக்டர் அம்பேத்கர்
சிலை உள்ளது.

நேற்று மர்ம மனிதர்கள் சிலர் இந்த அம்பேத்கர் சிலையை
உடைத்து விட்டனர். இந்த நிலையில் அந்த பகுதி மக்கள்
அம்பேத்கர் சிலை உடைக்கப்பட்டிருப்பதை பார்த்து
அதிர்ச்சி அடைந்தனர்.

அங்கு ஏராளமான பொதுமக்கள் திரண்டனர்.
இதனால் அங்கு பதட்டம் ஏற்பட்டது.

உடனடியாக சம்பவ இடத்தில் போலீசார் குவிக்கப்பட்டனர்.
அங்கு அசம்பாவிதம் ஏற்படாத வகையில் பலத்த பாதுகாப்பு
போடப்பட்டுள்ளது. அம்பேத்கர் சிலை உடைக்கப்பட்டது
தொடர்பாக அடையாளம் தெரியாத சிலர் மீது வழக்கு
பதிவு செய்யப்பட்டுள்ளது.

இன்று அம்பேத்கர் பிறந்த நாள் விழா கொண்டாடப்படும்
நிலையில் நேற்று அம்பேத்கர் சிலை உடைக்கப்
பட்டிருப்பதால் அந்த பகுதியில் தொடர்ந்து பரபரப்பு
நிலவுகிறது.
-
------------------------------------
மாலை மலர்