சிம் கார்டுடன் கூடிய லேப்டாப் சேவையை அறிமுகப்படுத்த ஜியோ நிறுவனம் திட்டம்?

மும்பை:
ரிலையன்ஸ் ஜியோ நிறுவனம் அடுத்ததாக சிம் கார்டுடன்
கூடிய லேப்டாப் சேவையை அறிமுகப்படுத்த வாய்ப்புள்ளதாக
கூறப்படுகிறது.

4ஜி ஸ்மார்ட் போன்கள் இணைய வைஃபை சேவை உள்ளிட்டவை
ஏற்கனவே ஜியோவின் விற்பனை பட்டியலில் உள்ளன.
ஆனால் சிம் கார்டு பொறுத்தக்கூடிய லேப்டாப்களை ரிலையன்ஸ்
நிறுவனம் தயாரிக்க உள்ளதாக தகவல் வெளியாகியுள்ளது.

ஆனால் இதை அந்நிறுவனம் இதுவரை உறுதிபடுத்தவில்லை.
சமீபத்திய தகவலின் படி வைஃபை இணைய வசதியுடன் கூடிய
50 லட்சம் லேப்டாப்புகள் ஆண்டுதோறும் விற்கப்படுகின்றன.

ஆனால் இணைய வசதிகள் கொண்ட சிம் கார்டுடன் லேப்டாப்புகள்
விற்கப்பட்டால் அதற்கான சந்தை வாய்ப்பு பெரிய வரவேற்புடன்
இருக்கும் என தெரிவிக்கப்பட்டுள்ளது.
-
-------------------------------
தினகரன்