பேரணியில் தொண்டர்களிடம் கோபப்பட்ட பிரியங்கா

-

புதுடில்லி :
நாட்டில் பெண்களுக்கு உரிய பாதுகாப்பு அளிக்க வலியுறுத்தியும்,
சிறுமிகள் வன்கொடுமைக்கு ஆளாவதைக் கண்டித்தும் காங்கிரஸ்
தலைவர் ராகுல் நேற்று நள்ளிரவு டில்லி இந்தியா கேட் பகுதியில்
மெழுகுவர்த்தி ஏந்தி போராட்டம் நடத்தினார்.

பேரணியில் ராகுலின் சகோதரி பிரியங்கா, அவரது கணவர்
ராபர்ட் வதேரா உள்ளிட்ட காங்கிரஸ் தலைவர்கள், தொண்டர்கள்
கலந்து கொண்டனர்.

சில தொண்டர்கள் கோஷங்கள் எழுப்பியபடி பேரணியில்
பங்கேற்றனர். இதைக்கண்ட பிரியங்கா அந்த தொண்டர்களை
கண்டித்தார்.

நாம் எந்த காரணத்துக்காக பேரணி நடத்துகிறோம் என்பது
உங்களுக்கு தெரியும். எனவே மற்றவர்களுக்கு இடையூறு
ஏற்படுத்தும் விதமாக சத்தம் போட வேண்டாம். அமைதியான
முறையில் பேரணி செல்ல வேண்டும் என்றார்.

அமைதியாக போராடுபவர்கள் மட்டுமே இங்கு இருங்கள்.
கூச்சலிட நினைப்பவர்கள் வீட்டுக்கு செல்லலாம் என கடிந்து
கொண்டார்.
-
---------------------------------
தினமலர்