குஜராத்தில் சொத்து விவரம் தாக்கல் செய்யாத அதிகாரிகளுக்கு சம்பளம் இல்லை - மாநில அரசு தகவல்

ஆமதாபாத்:

குஜராத் மாநில அரசில் வகுப்பு 1 மற்றும் 2 நிலையில் இருக்கும்
அதிகாரிகள் தங்கள் 2017-18-ம் ஆண்டுக்கான சொத்து விவரத்தை
கடந்த 10-ந்தேதிக்குள் தாக்கல் செய்ய வேண்டும் என மாநில அரசு
கெடு விதித்து இருந்தது.

அதன்படி மொத்தமுள்ள சுமார் 12 ஆயிரம் அதிகாரிகளில் சுமார்
3 ஆயிரம் பேர் இன்னும் மேற்படி கணக்கை தாக்கல் செய்யவில்லை.

எனவே இந்த அதிகாரிகளுக்கான இந்த மாத (ஏப்ரல்) சம்பளம்
நிறுத்தி வைக்கப்படும் என மாநில தலைமை செயலாளர்
ஜே.என்.சிங் நேற்று கூறினார். சொத்து கணக்கை தாக்கல் செய்யாத
அதிகாரிகளுக்கான சம்பளத்தை நிறுத்தி வைக்குமாறு மாநில
நிதித்துறைக்கு, பொது நிர்வாகத்துறை கடிதம் எழுதி இருப்பதாகவும்
அவர் தெரிவித்தார்.

இதுவரை மேற்படி கணக்கை தாக்கல் செய்யாத அதிகாரிகள்
அடுத்த வாரத்துக்குள் தாக்கல் செய்வார்கள் என நம்புவதாக கூறிய
அவர், அவ்வாறு தாக்கல் செய்வோருக்கு சம்பளம் கொடுப்பது
குறித்து பரிசீலிக்கப்படும் என்றும் கூறினார்.
-
-----------------------------
மாலைமலர்