கர்நாடக முத்திரை; ரஜினி திடீர் அமைதி

சென்னை:
காவிரி மேலாண்மை வாரியம் அமைக்க வலியுறுத்தி,
சென்னையில் போராட்டம் நடந்தது. ஐ.பி.எல்., போட்டியை
நடத்த விடாமல் செய்யும் நோக்கத்துடன் போராடியவர்கள்,
பாதுகாப்புக்கு வந்த சீருடை அணிந்த போலீசாரை
அடித்தனர்.

இதையடுத்து, நாம் தமிழர் கட்சியைச் சேர்ந்தவர்கள்
மீது வழக்குப் பதியப்பட்டுள்ளது. இது தொடர்பாக, கருத்துத்
தெரிவித்த நடிகர் ரஜினி, இது வன்முறையின் உச்சகட்டம்.
இதை தடுக்க கடுமையான சட்டம் தேவை என்று
கூறியிருந்தார்.

இதனால், நடிகர் ரஜினியை, இயக்குநர் பாரதிராஜா
உள்ளிட்ட பலரும் கடுமையாக விமர்சித்தனர். ரஜினியை
கர்நாடகாவைச் சேர்ந்தவர் என்று விமர்சிக்க,
கடும் வருத்தம் அடைந்த ரஜினி, காவிரி பிரச்னை தொடர்பாக,
இனி எவ்வித கருத்தும் தெரிவிப்பதில்லை என
முடிவெடுத்திருப்பதாகக் கூறப்படுகிறது.
-
-------------------------------------
தினமலர்